Bæjarráð Fjallabyggðar

Bæjarstjóri lagði fram til samþykktar fjárhagsáætlunarferli og tímasetningar fyrir fjárhagsáætlunargerð fyrir árið 2013, dags. 20.08.2012. Bæjarráð samþykkir framkomna tillögu.

Lagt fram bréf frá Eftirlitsnefnd sveitarfélaga, dags. 24. ágúst 2012. Eftirlitsnefndin óskar eftir upplýsingum um hvernig bæjarstjórn hyggst ná viðmiðun 1. töluliðar 2.mgr. 64. gr. sveitarstjórnarlaga nr. 138/2011. Með bréfi bæjarstjóra frá 30. ágúst er óskað eftir fresti til 18. október til að skila inn umbeðnum upplýsingum.

Lagt fram bréf frá Innanríkisráðuneytinu og er Fjallabyggð veittur frestur til 15. nóvember.

Lagt fram rekstraryfirlit fyrir janúar til og með júlí. Heildarniðurstaðan er jákvæð.

Lagt fram framkvæmdayfirlit, en þar kemur fram að búið er að framkvæma og greiða um 184 m.kr., en eftir er að framkvæma fyrir um 155 m.kr.

Trausti Sveinsson bóndi Bjarnargili óskar eftir styrk að upphæð 1 m.kr. til að fjármagna verkefnastjórnun við verkefnið "sjálfbært samfélag í Fljótum".

Bæjarráð hafnar beiðninni.

Tilboð um vinnu við Gámasvæði á Siglufirði við Berg ehf. lagt fram til samþykktar.

Áætlaður kostnaður við verkið er kr. 10.658.800 - eða um 107.3 % af kostnaðaráætlun.

Bæjarráð samþykkir fram komið tilboð.

Lagður fram undirritaður samningur við Allann ehf. á Siglufirði.

Lagður fram undirritaður samningur.

Starfshópur Akraneskaupstaðar boðar til landsfundar föstudaginn 14. september n.k. á Akranesi.

Lagt fram til kynningar.

Lögð fram greinargerð um rekstur og umsjón með tjaldsvæðum á Siglufirði í sumar.

Bréfritarar óska eftir því að taka verkið að sér næsta sumar. Bæjarráð tekur vel í þá hugmynd.

Ýmsum ábendingum um lagfæringar er vísað til gerðar fjárhagsáætlunar.

Lagt fram bréf frá Sveinbirni Þ. Sveinbjörnssyni um hugmyndir hans um að byggja nýja fjárrétt miðsvæðis.

Ekki er gert ráð fyrir að bæjarfélagið byggi fjárrétt á næstunni".

Lagt fram til kynningar og tekur bæjarráð jákvætt í framkomin drög að frumvarpi um framlengingu svonefnds B- gatnagerðargjalds sem heimilt hefur verið að leggja á lóðir sem úthlutað var fyrir 1. janúar 1997.

Bæjarráð felur tæknideild bæjarfélagsins að svara framkomnum spurningu frá lögmanni Sambands íslenskra sveitarfélaga.

Lagðar fram til kynningar fundagerðir nr. 13 og 14.