Bæjarráð Fjallabyggðar

Formaður bæjararráðs bauð velkomna til fundar við bæjarráð þá Bjarna Kristjánsson og Árna Ólafsson, en þeir hafa unnið að greinargerð og skipulagi að Svæðisskipulagi Eyjafjarðar sem mun hafa gildistíma frá 2011 - 2023. Auk þess sat Magnús A. Sveinsson fulltrúi skipulags- og umhverfisnefndar fundinn.

Bæjarráð boðaði þá á fund til að fara yfir þau atriði sem snerta Fjallabyggð sérstaklega.

Eftir umræður og yfirferð voru þeim færðar þakkir fyrir góðar tillögur og ábendingar um forsendur og niðurstöður undirbúningsnefndar sveitarfélaganna á svæðinu.

Lagt fram bréf um lausnir er varða lausagöngu búfjár á Siglufirði.
Umhverfisfulltrúi, búfjáreftirlitsmaður bæjarfélagsins og deildarstjóri tæknideildar tóku tillögurnar saman í samráði við álitsgjafa, þá Héraðsdýralækni Skaga- og Eyjafjarðarumdæmis, eftirlitsdýralækni Skaga- og Eyjafjarðarumdæmis og búfjáreftirlitsmann frá Búgarði ráðgjafaþjónustu.
Afgreiðslu frestað.

Borist hefur bréf frá Umhverfisráðuneytinu dags. 1. nóvember, er varðar framkvæmdir við ofanflóðavarnir á Siglufirði á svæðinu "Fífladalir norður."

Þar kemur fram að ætlunin sé að hefja framkvæmdir með stuðningi sjóðsins á árinu 2013. Ætlunin er að ljúka öllum framkvæmdum fyrir árið 2016.

Lagt fram til kynningar og er erindinu vísað til skipulags- og umhverfisnefndar.
Það er skoðun bæjarráðs að svörin séu nægjanlega skír til að hægt sé að fá deiliskipulag við Snorragötu samþykkt hjá Skipulagsstofnun.

Farið yfir gögn deildarstjóra tæknideildar varðandi Eignarsjóð um framkvæmda- verk og kostnaðaráætlanir.

Á fund bæjarráðs mætti Sigurjón Magnússon til að ræða málefni fyrirtækisins og framtíðarhorfur í rekstri þess.

Bæjarstjóra er boðið til móttöku í Bóksal Þjóðmenningarhúss föstudaginn 11. nóvember n.k. Tilefnið er tíu ára afmæli Landskerfis bókasafna hf., en félagið var stofnað 14. nóvember 2001.

Lagt fram til kynningar.

Lögð fram til kynningar ályktun um áframhaldandi flug til Sauðárkróks, sem gerð var á aðalfundi 13. október s.l.

Hagstofan undirbýr nú töku manntals og húsnæðistals í árslok 2011 og fer þess á leit við sveitarfélögin að þau veiti henni nokkrar upplýsingar til viðbótar.
Erindi lagt fram til kynningar.

Fundargerð lögð fram til kynningar.