Bæjarráð Fjallabyggðar

Skrifstofu- og fjármálastjóri fór yfir breytingar á tillögu að endurskoðaðri fjárhagsáætlun 2011.
Bæjarráð samþykkir tillöguna eins og hún liggur fyrir með þeim breytingum sem gerðar hafa verið í samræmi við umræður á fundinum og vísar endurskoðun fjárhagsáætlunar 2011 til afgreiðslu í bæjarstjórn.

Fyrir bæjarráði liggur umsókn starfsmanns félagsþjónustunnar Helgu Helgadóttur um nám samhliða starfi og samþykki félagsmálastjóra þar um.

Fræðslu- og menningarfulltrúa hafa borist upplýsingar um námið og telur umsókn falla undir reglur um starfs- og endurmenntun fyrir starfsmenn Fjallabyggðar.

Bæjarráð samþykkir umsókn.

Lagðar fram til kynningar upplýsingar frá Eftirlitsnefnd með fjármálum sveitarfélaga, um fjárhagslegar stærðir úr ársreikningum sveitarfélaga 2010.

13. október n.k. verður haldið málþing á Selfossi undir yfirskriftinni, "Sjálfbær sveitarfélög - lífvænlegt umhverfi - félagslegt réttlæti  - ábyrg fjármálastjórn".

Ársfundur Jöfnunarsjóðs sveitarfélaga verður haldinn 12. október í Reykjavík.
Bæjarráð samþykkir að fulltrúi sveitarfélagsins verði bæjarstjóri.

Forseti bæjarstjórnar og skrifstofu- og fjármálastjóri mættu fyrir hönd sveitarfélagsins í afmælisfagnað Ólafsfjarðardeildar Rauða kross Íslands 24. september sl. og færðu deildinni gjafabréf og heillaóskir.