Bæjarráð Fjallabyggðar

Á fund bæjarráðs mættu fulltrúar Afls sparisjóðs og Sparisjóðs Ólafsfjarðar, þeir Ólafur Jónsson og Helgi Jóhannsson og upplýstu fundarmenn um stöðu mála.
Bæjarráð telur rétt að fylgjast náið með framvindu málsins.

Umsögn hefur borist frá Fornleifavernd ríkisins, Sigurði Bergsteinssyni minjaverði Norðurlands eystra, varðandi Kirkjuveg 4, Ólafsfirði, þar sem lagst er gegn því að húsið við Kirkjuveg 4 verði rifið og er vonast til þess að gert verði við það og því fundið verðugt hlutverk.
Bæjarráð samþykkir að fela bæjarstjóra að vinna áfram með þær hugmyndir sem fram komu á fundi bæjarráðs í ljósi umsagnar Fornleifaverndar ríkisins og komi með tillögu til bæjarráðs.

Fyrir bæjarráði liggja drög að samningi við Golfklúbb Ólafsfjarðar vegna uppbyggingar golfvallar í Skeggjabrekku.
Um er að ræða framkvæmdastyrk að upphæð 12 milljónir, sem greiðist með 4 jöfnum afborgunum á tímabilinu 2011 til 2014.

Bæjarráð leggur til við bæjarstjórn að samningurinn verði samþykktur. Verði hann samþykktur af bæjarstjórn er honum vísað til endurskoðunar fjárhagsáætlunar.

Fyrir bæjarráði liggja drög að verksamningi vegna Síldarævintýrisins við félag um Síldarævintýrið á Siglufirði.
Einnig er til umfjöllunar minnisblað fræðslu- og menningarfulltrúa um skiptingu verkþátta vegna hátíðarinnar milli verkkaupa og verksala.
Þar kemur fram, að fyrir utan verksamning upp á 2 milljónir er annar kostnaður sveitarfélagsins áætlaður 1,5 milljónir.

Bæjarráð samþykkir fyrirliggjandi verksamning og felur bæjarstjóra að samþykkja.

Lagt fram til kynningar samkomulag vegna starfa Óla Hjálmars Ingólfssonar, sem flyst yfir í þjónustumiðstöð Fjallabyggðar 1. október 2011. Starfsmaður verður í launalausu fríi frá 7. júlí til 30. september.

Gunnlaugur Oddsson fyrir hönd eigenda að Aðalgötu 32 Siglufirði óskar í bréfi sínu frá 22. maí .sl. eftir viðræðum við sveitarfélagið vegna tjóns sem hann telur að sveitarfélagið hafi valdið eigendum með afgreiðslu á klæðningarumsókn.
Lagt fram álit lögmanns sveitarfélagsins á málinu.
Bæjarráð felur bæjarstjóra að að ræða við fulltrúa eigenda.

Seinasta vinabæjarmót, Karlskrona í Svíþjóð, Horten í Noregi, Lovisa í Finnlandi og Ólafsfjarðarkaupstaðar frá fyrri tíð, var haldið í Svíþjóð 2010.
Þá var til umræðu framtíð vinabæjasamstarfsins og hlutverk.
Bæjarráð samþykkir að fela bæjarstjóra að ræða við formenn norrænu félaganna í sveitarfélaginu um sýn þeirra á aðkomu sveitarfélagsins að núverandi vinabæjasamstarfi.

Fyrir bæjarráði liggja drög að samningi við Tengi um fjarskiptaþjónustu með ljósleiðarasambandi og samstarfssamningur um lagningu ljósleiðara um Ólafsfjörð og Siglufjörð til tengingar fyrir sveitarfélagið, fyrirtæki og heimili.
Bæjarráð leggur til við bæjarstjórn að samþykkja samninginn.  Verði hann samþykktur af bæjarstjórn er honum vísað til endurskoðunar fjárhagsáætlunar.

Lögð fram til kynningar umsögn Sambands íslenskra sveitarfélaga um frumvarp til sveitarstjórnarlaga, 726. mál.

Lagðar fram til kynningar kennitölur úr rekstri A-hluta sveitarfélagsins janúar - mars 2011.

Lögð fram undirrituð viljayfirlýsing bæjarstjóra Fjallabyggðar og skólameistara Menntaskólans á Tröllaskaga um aðgengi skólans að íþróttamannvirkjum sveitarfélagsins og samvinnu um starfrækslu íþrótta- og útivistarbrautar við Menntaskólann á Tröllaskaga.

Lögð fram til kynningar æfingaáætlun Slökkviliðs Fjallabyggðar.

Lagt fram til kynningar.

Á fund bæjarráðs mætti félagsmálastjóri.
Félagsmálastjóri lagði fram minnisblað og fór yfir verkefnastöðu.

Bæjarráð þakkaði góða yfirferð.