Bæjarráð Fjallabyggðar

Á fund bæjarráðs kom sendinefnd stangveiðifélagsins, skipuð Boga Sigurbjörnssyni og Sigurði Hafliðasyni til að fylgja eftir erindi félagsins þess efnis að SVFS fari með umsýslu og ábyrgð á Hólsá og Skútuá í Siglufirði. 
Bæjarráð leggur áherslu á að tekið verði tillit til lífríkis ánna við fyrirhugað skipulag svæðisins.

Fyrir bæjarráði liggja drög að samningi um ráðgjöf vegna snjóflóðaeftirlits á skíðasvæði í Hólsdal og Skarðsdal í Siglufirði.
Um er að ræða samstarfsverkefni milli sveitarfélagsins og Veðurstofu Íslands fyrir tímabilið 11. mars til 1. maí, eða fram til loka skíðasvæðisins 2011.
Einnig drög að vinnureglum um eftirlitið.
Bæjarráð samþykkir samninginn og felur bæjarstjóra að undirrita.

Lögð fram gögn um afgreiðslutíma upplýsingamiðstöðva ferðamála og mögulega aðkomu bókasafns og eða íþróttamiðstöðva Fjallabyggðar.

Bæjarráð tekur jákvætt í staðsetningu upplýsingamiðstöðva í stofnunum sveitarfélagsins og samþykkir að vísa erindi til afgreiðslu í atvinnu- og ferðamálanefnd.

Tekið fyrir erindi frá Íslenska gámafélaginu um framlengingu samnings um akstur og urðun sorps.
Vegna lokunar urðunarstaðarins á Glerárdal í Eyjafirði og opnun urðunarstaðar í Stekkjarvík hefur vegalengd sem aka þarf með sorpið til urðunar, lengst um 150 km, miðað við að ekið sé frá Siglufirði um Strákagöng.
Bæjarráð samþykkir framlengingu samnings um eitt ár, með tilgreindum forsendum og felur bæjarstjóra að undirrita.

Tekið fyrir erindi frá Íslenska gámafélaginu um framlengingu samnings um rekstur gámasvæða.
Bæjarráð samþykkir framlengingu samnings um eitt ár, með tilgreindum forsendum og felur bæjarstjóra að undirrita.

Á fundi bæjarráðs var kjörskrá fyrir Fjallabyggð lögð fram til staðfestingar. Fjöldi kjósenda á kjörskrá eftir leiðréttingu er 1.598.
Bæjarráð samþykkir framlagða kjörskrá.

Lögð fram fundargerð frá 4. mars 2011.
Bæjarráð samþykkir breytta skipan vinnuhópsins á þann veg að í stað Ingvars Erlingssonar komi S. Guðrún Hauksdóttir, formaður fræðslunefndar.

Lögð fram verkefniskynning Atvinnuþróunarfélags Eyjafjarðar um aðgerðaráætlun AFE varðandi erlendar fjárfestingar og markaðssetningu.

Í fundargerð stjórnar Hornbrekku frá 15. mars 2011 kemur m.a. fram ósk um viðræður við bæjaryfirvöld um breytingar og endurbætur á húsnæði Hornbrekku.
Á fund bæjarráðs mættu Rósa Jónsdóttir formaður stjórnar og Rúnar Guðlaugsson forstöðumaður Hornbrekku og fóru yfir þær hugmyndir.
Bæjarráð óskaði eftir frekari gögnum frá forstöðumanni.

Lagt fram erindi er sent var umdæmisstjóra Isavia vegna Siglufjarðarflugvallar um tillögu að frágangi á uppsögn samnings frá 15. júní 2004.
Jafnframt lagt fram uppsagnarbréf til starfsmanns sem sinnti þjónustunni á Siglufjarðarflugvelli.

Fundargerð lögð fram til kynningar.