Bæjarráð Fjallabyggðar

Lögð fram gögn vegna endurskoðunar fjárhagsáætlunar 2010.
Bæjarráð samþykkir að fela bæjarstjóra og skrifstofu- og fjármálastjóra að leggja fram tillögu á næsta fundi.

Í erindi Skíðafélags Ólafsfjarðar er óskað eftir aðgangi að vatni og framlagi til reksturs á snjóframleiðslukerfi.
Bæjarráð samþykkir að hafna erindinu þar sem ekki eru áætlaðir fjármundir til þessa verkefnis.

Snjóflóðasetur Veðurstofu Íslands hefur unnið snjóflóðahættumat fyrir skíðasvæðin í Skarðsdal og Hólsdal og óskar eftir því að fá að
kynna hættumatið fyrir bæjarstjórn Fjallabyggðar áður en það fer í almenna kynningu.
Bæjarráð samþykkir að fela bæjarstjóra að óska eftir fundi í október.

Rætt um aðkomu sveitarfélagsins að lagningu slitlags á Garðsveg í Ólafsfirði, allt 1,1 km.
Áætlaður hlutur sveitarfélagsins er 4,5 milljónir.

Bæjarráð samþykkir að að fara í framkvæmdina ásamt Vegagerðinni. 
Jafnframt var samþykkt að vísa afgreiðslunni til endurskoðunar fjárhagsáætlunar 2010. 
 

Bæjarstjóri upplýsti bæjarráð um álitamál sem uppi eru varðandi snjómokstur á leiðinni Siglufjörður - Ólafsfjörður.
Stefnt er að því að ljúka málinu við Vegagerðina í næsta mánuði.

Fyrir bæjarráði liggur ósk um styrk vegna dags heyrnarlausra.
Bæjarráð hafnar erindinu.

Í erindi frá fulltrúa veitingahússins Allans, er óskað eftir því að veitingasala á vegum sveitarfélagsins í Tjarnarborg verði hætt án tafar, eða að reksturinn verði fjárhagslega aðskilinn og sé rekinn í eðlilegri samkeppni við aðra aðila sem ekki eru tengdir sveitarfélaginu.
Bæjarráð samþykkir að fela menningarfulltrúa að afla upplýsinga um félagsheimili sem gegna svipuðu hlutverki.
Jafnframt samþykkir bæjarráð að fela menningarnefnd að koma með tillögu að rekstrarformi Tjarnarborgar til framtíðar.

Um afgreiðslu þessa liðar vísast til bókunar í trúnaðarbók.

Með tilvísun í samþykkt bæjarráðs frá 183. fundi var lögð fram kostnaðaráætlun vegna bráðabirgðaviðgerðar á þekju á Hafnarbryggjunni á Siglufirði.

Bæjarráð samþykkir að vísa til endurskoðunar fjárhagsáætlunar 2010, breytingu á viðhaldslið hafnarinnar að upphæð kr. 750 þúsund.

Fundargerð lögð fram til kynningar.
Afgreiðslu fjárhagsáætlunar 2011 fyrir Heilbrigðiseftirlit Norðurlands eystra var frestað.

Lagt fram til kynningar.

Fundargerð lögð fram til kynningar.