Bæjarráð Fjallabyggðar

Borist hefur fyrirspurn um kaup á dráttarvél og sturtuvagn í eigu bæjarfélagsins.

Bæjarráð samþykkir að auglýsa tækin til sölu á heimasíðu bæjarfélagsins og í verslunum og/eða staðarblöðum.

Leikskólastjóri óskar eftir fjárheimild til kaupa á tölvubúnaði

Bæjarráð telur rétt að verða við framkominni tillögu leikskólastjóra um kaup á fartölvu og borðtölvu fyrir leikskóla bæjarfélagsins til að tryggja eðlileg samskipti í rekstri Leikskála og Leikhóla.
Áætlaður kostnaður er kr. 350.000.-.
Gera skal ráð fyrir þessari breytingu í fjárfestingaliðum bæjarfélagsins við endurskoðun á áætlun ársins í september.

Samþykkt samhljóða.

Tekin var fyrir bókun í Frístundanefnd Fjallabyggðar um tvö kauptilboð í rennubrautir fyrir íþróttamiðstöðina í Ólafsfirði.

Bæjarráð samþykkir með tveimur atkvæðum að staðfesta ákvörðun nefndarinnar um kaup frá fyrirtækinu Spennandi ehf.
Kaupverð með uppsetningu er kr. 18.427.795.-  Helga Helgadóttir sat hjá.

Lagt fram bréf frá Vegagerð ríkisins dags. 4. ágúst 2010.
Vegagerðin mun styrkja Fjallabyggð um 14 milljónir til tækjakaupa vegna þjónustu við Héðinsfjarðargöng og lítur svo á að þar með sé slökkviliðið í stakk búið til að sinna skildum sínum samkvæmt reglugerð um brunavarnir í samgöngumannvirkjum.

Bæjarráð telur rétt að kalla eftir upplýsingum frá slökkviliðsstjóra um fyrirhuguð kaup á tveimur tankbílum, tækjum og búnaði til að takast á við nýjar skyldur slökkviliðs Fjallabyggðar.

Lagt fram til kynningar.
Bæjarráð telur rétt að framkomnar athugasemdir vegna útboðs á akstursþjónustu og svör við þeim verði settar á heimasíðu bæjarfélagsins. Allar athugasemdir verða síðan teknar til umfjöllunar eftir að tilboð verða opnuð þann 18. ágúst n.k.

Frístundanefnd samþykkti á 39. fundi sínum skiptireglur Ungmenna- og íþróttasambands Fjallabyggðar (ÚÍF) og samþykkti útreikning á skiptingu styrkja Fjallabyggðar til íþróttafélaga innan UÍF.

Bæjarráð fagnar framkomnum reglum.

Lagt fram bréf frá skólastjóra Grunnskóla Fjallabyggðar um kaup á sambyggðri trésmíðavél. Þessi vél leysir af hólmi tvær vélar sem vinnueftirlitið hefur gert athugasemdir við og snertir öryggisbúnað vélanna.

Bæjarráð telur nauðsynlegt að verða við erindi skólastjóra en vísar erindinu til afgreiðslu fjárhagsáætlunar 2011.

Skólastjóri Grunnskóla Fjallabyggðar óskar eftir tilfærslu á einu stöðugildi skólaliða í unglingadeild, vegna sameiningu á skólahaldi í bæjarfélaginu. Umrædd ósk kallar ekki á aukið fjármagn þar sem gert var ráð fyrir þessu starfshlutfalli við gerð fjárhagsáætlunar.

Samþykkt samhljóða.

Borist hefur bréf frá Deloitte dags. 9. ágúst 2010, þar sem þess er óskað að bæjarráð fresti afgreiðslu skipulags- og umhverfisnefndar.

Bæjarráð samþykkir að fresta afgreiðslunni og felur bæjarstjóra að vinna að lausn málsins.

Lagt er til að skipaður verði vinnuhópur vegna hátíðarhalda við opnun ganga.

Bæjarráð samþykkir skipa neðanritaða í vinnuhóp til að vinna með Vegagerðinni að hátíðarhöldum við opnun Héðinsfjarðargangna.
Gunnar Smári  Helgason
Magnús Guðmundur Ólafsson og
Sigurður Valur Ásbjarnarson, bæjarstjóri.

Lagt fram til kynningar launayfirlit fyrstu sjö mánuði ársins.

Lagður fram til kynningar samanburður á staðgreiðsluskilum fyrstu sjö mánuði áranna 2007, 2008, 2009 og 2010.
Fram kemur að breyting til lækkunar milli 2009 og 2010 er 3,2%.

Lagt fram til kynningar.

Í kjölfar þess að Jón Hrói Finnsson hefur tekið við starfi sveitarstjóra Svalbarðsstrandarhrepps og Helga Helgadóttir hafið störf hjá félagsþjónustu Fjallabyggðar samþykkir bæjarráð eftirfarandi breytingar á nefndarskipan S- lista í skipulags- og umhverfisnefnd, fræðslunefnd og félagsmálanefnd Fjallabyggðar:

Jón Konráðsson tekur sæti Jóns Hróa sem varamaður í skipulags- og umhverfisnefnd.
Helga Helgadóttir tekur sæti Jóns Hróa sem aðalmaður í fræðslunefnd.
Þrúður Sigmundsdóttir tekur sæti Helgu Helgadóttur sem varamaður í fræðslunefnd.
Anna Rósa Vigfúsdóttir tekur sæti Helgu Helgadóttur sem aðalmaður í félagsmálanefnd.