Bæjarráð Fjallabyggðar

Lagt fram til kynningar yfirlit staðgreiðslu fyrir tímabilið janúar til október 2021. Staðgreiðsla fyrir tímabilið nemur kr. 1.026.750.300.- eða 102,61% af tímabilsáætlun 2021.

Farið yfir umsóknir um styrki til félaga- og félagasamtaka til greiðslu fasteignaskatts 2022. Samtala fjárhæðar umsókna er innan áætlaðra framlaga á fjárhagsáætlun 2022.

Fram er lögð umsögn deildarstjóra tæknideildar dags. 5. nóvember 2021, í umsögninni er lagt til að framkvæmd verði úttekt á stöðu aðgengismála í og við stofnanir sveitarfélagsins með það að markmiði að ná utan um verkefnið.

Á 711. fundi bæjarráðs var lagt fram erindi Róberts Guðfinnssonar f.h. Siglo golf and ski club ehf., í erindinu var þess farið á leit að sveitarfélagið veitti félaginu styrk að fjárhæð 30 millj.kr. til uppbyggingar á blöðrubraut sem félagið hyggst byggja í Skarðsdalsskógrækt. Á fund bæjarráðs mættu Róbert Guðfinnsson og Kristbjörg Edda Jóhannsdóttir og fóru yfir innsent erindi.

Bæjarstjóri fór yfir stöðu verkefna er tengjast aðstöðusköpun fyrir varðskipið Freyju.

Lagt er fram minnisblað deildarstjóra tæknideildar dags. 4. nóvember 2021, minnisblaðið er unnið í framhaldi af erindi Sveinu G. Ragnarsdóttur dags. 19. október sl. f.h. hennar og systkina hennar en þau eru allt að 50% eigendur jarðanna Garðs I og Garðs II á móti sveitarfélaginu. Í framlögðu erindi er óskað skýringa á ýmsum þáttum er varða jörðina og nýtingu hennar.

Lagt er fram minnisblað deildarstjóra tæknideildar og bæjarstjóra dags. 6. ágúst 2021, minnisblaðið er unnið vegna erindis og erinda sem bárust sveitarfélaginu sl. sumar. Einnig er lögð fram yfirborðsmæling af svæðinu sem unnin var í sumar.

Lagt er fram erindi Láru Stefánsdóttur skólameistara f.h. Menntaskólans á Tröllaskaga dags. 4 nóvember 2021. Í erindinu reifar skólameistari hugmyndir sem tengjast því að efla skólann sem lærdómssetur með víðtækari tengingar inn í samfélagið sem geti fallið vel að skólastarfinu.

Lagt er fram erindi Hins Norðlenzka Styrjufjelags ehf. dags. 6. nóvember 2021, í erindinu eru áform félagsins um styrjueldi reifuð og sett fram ósk um leyfi sveitarfélagsins vegna fyrirhugaðrar starfssemi.

Lagt er fram erindi Jóhanns Más Sigurbjörnssonar f.h. Golfklúbbs Siglufjarðar dags. 8. nóvember 2021. Í erindinu er þess farið á leit að sveitarfélagið veiti félaginu styrk að fjárhæð 30 millj.kr. til uppbyggingar inniaðstöðu, fyrir golfspilara, sem félagið hyggst koma á laggirnar. Einnig er þess farið á leit að forsvarsmenn félagsins fái að koma á fund bæjarráðs til að fylgja umsókninni eftir.

Lagt er fram erindi Steinunnar Gyðu- og Guðjónsdóttur f.h. Stígamóta dags. 3. nóvember 2021, efni erindis er að leita eftir óskilgreindu framlagi sveitarfélagsins til starfsemi samtakanna á komandi ári.

Á 699. fundi bæjarráðs var lagt fram erindi Sambands sveitarfélaga og atvinnuþróunar á Norðurlandi eystra (SSNE), dags. 03.06.2021 þar sem óskað er eftir tillögum að fjórum fulltrúum frá hverju sveitarfélagi í samráðsvettvang Sóknaráætlunar Norðurlands eystra 2020-2024. Óskað var eftir tillögum að tveimur karlkyns og tveimur kvenkyns fulltrúum í samráðsvettvanginn, alls fjórum. Annars vegar tveimur fulltrúum af pólitískum vettvangi og hins vegar tveimur ópólitískum.

Bæjarráð samþykkti að fela bæjarstjóra að auglýsa, eftir fjórum áhugasömum fulltrúum íbúa, á heimasíðu sveitarfélagsins.

Jón Garðar Steingrímsson og Guðjón M. Ólafsson lýstu yfir áhuga að verða fulltrúar Fjallabyggðar í verkefninu með innsendum tölvupósti.

Lagt er fram til kynningar bréf Örnu Jakobínu Björnsdóttur formanns Kjalar stéttarfélags og Guðbjarnar Arngrímssonar fráfarandi formanns Starfsmannafélags Fjallabyggðar dags. 28. október 2021. Efni bréfsins er að kynna fyrir sveitarfélaginu sameiningu Kjalar stéttarfélags starfsmanna í almannaþjónustu og Starfsmannafélags Fjallabyggðar.

Lagt er fram til kynningar bréf Sambands íslenskra sveitarfélaga dags. 2. nóvember 2021. Efni bréfs er að kynna afgreiðslu stjórnar sambandsins á ályktun bæjarráðs Árborgar um leikskólamál, stjórnin tekur undir ályktun bæjarráðs Árborgar.

Lagt er fram til kynningar erindi Sambands íslenskra sveitarfélaga dags. 2. nóvember 2021, er varðar verkefni vegna innleiðingar hringrásarhagkerfis.

Lagt er fram erindi Sambands íslenskra sveitarfélaga dags. 2. nóvember 2021 ásamt fylgiskjölum. Efni erindis er að kynna fyrir sveitarfélögum boð um þátttöku sveitarfélaga í námskeiðinu Loftlagsvernd í verki.

Lagðar eru fram til kynningar fundagerðir 901. og 902. fundar stjórnar Sambands íslenskra sveitarfélaga.

Lög er fram til kynningar fundargerð 80. fundar Markaðs- og menningarnefndar Fjallabyggðar.