Bæjarráð Fjallabyggðar

Anna Gilsdóttir gæðastjóri Heilbrigðisstofnunar Norðurlands og yfirhjúkrunarfræðingur í Fjallabyggð, og Valþór Stefánsson yfirlæknir mættu á fund bæjarráðs og fóru yfir stöðu sjúkraflutninga í sveitarfélaginu.

Þau hvöttu til þess að stofnað yrði vettvangsliðateymi til að tryggja öryggi íbúana í ljósi niðurstöðu ráðherra.

Lagt fram yfirlit yfir staðgreiðslu útsvars á tímabilinu 1. janúar til 28. febrúar 2018.
Innborganir nema kr. 176.111.199 milljónum sem er 3,5% yfir tímabilsáætlun, sem gerði ráð fyrir 170 milljónum.

Tekin fyrir umsögn deildarstjóra tæknideildar vegna erindis frá Sambandi íslenskra sveitarfélaga vegna frumvarps til breytinga á mannvirkjalögum. Í umsögn deildastjóra er tekið undir sjónarmið Sambands íslenskra sveitarfélaga.

Bæjarráð samþykkir umsögn deildarstjóra og felur deildarstjóra stjórnsýslu og fjármála að senda umsögnina til Sambands íslenskra sveitarfélaga.

Tekin fyrir drög að samningi Fjallabyggðar og Golfklúbbs Fjallabyggðar vegna reksturs golfvallarins í Skeggjabrekku í Ólafsfirði. Gildistími samningsins er tvö ár og tekur hann gildi 1. febrúar 2018.

Bæjarráð samþykkir fyrirliggjandi drög.

Tekið fyrir svarbréf Hafrannsóknarstofnunar við bréfi bæjarstjóra vegna áhættumats og burðarþols í Eyjafirði. Í svarbréfinu kemur fram að mælingar séu nýhafnar og búast megi við niðurstöðu um burðarþol eftir u.þ.b. ár. Þegar sú niðurstaða liggur fyrir fer fram áhættumat.

Lögð fram uppfærð ársskýrsla Slökkviliðs Fjallabyggðar fyrir árið 2017.

Lagt fram bréf frá Samgöngu- og sveitarstjórnarráðuneytisins vegna uppgjörs sveitarfélaga við Brú lífeyrissjóð vegna laga nr. 127/2016. Sveitarfélögum ber nú að gera upp reiknaðan framtíðarhalla A-deildar Brúar lífeyrissjóðs með einskiptisgreiðslu en þessar skuldbindingar hafa ekki verið færðar til bókar í reikningum sveitarfélaga.

Málþing um heimsmarkmið Sameinuðu þjóðanna 2030 og Heilsueflandi samfélag verður haldið í Hátíðarsal Háskóla Íslands þriðjudaginn 20. mars n.k. kl. 12:30-16:30.

Lagt fram til kynningar erindi frá Sambandi íslenskra sveitarfélaga vegna ráðstefnu á vegum Evrópusamtaka sveitarfélaga og svæða, CEMR, mun halda á Spáni 11.-13. júní n.k.

Lagt fram til kynningar erindi frá Sambandi íslenskra sveitarfélaga vegna innleiðingar á nýrri persónuverndarlöggjöf. Meðfylgjandi er fundargerð fundar lögfræðingahóps um persónuvernd sem haldinn var 23. febrúar sl., og form að vinnslusamningi sem hægt er að nota sem fyrirmynd.

Bæjarráð felur deildarstjóra stjórnsýslu og fjármála að stofna teymi til að undirbúa innleiðingu á nýrri löggjöf í stjórnsýslu Fjallabyggðar.

Tekið fyrir erindi frá Sigríði Dís Gunnarsdóttur, sem nýverið lauk meistaranámi í lögfræði við Háskóla Íslands, þar sem hún býður sveitarfélaginu meistararitgerð sína til sölu. Ritgerðin ber heitið “Persónuverndarreglugerðin nr.2016/679. Skyldur og ábyrgð þeirra sem vinna með persónuupplýsingar."

Bæjarráð sér sér ekki fært að verða við erindinu.

Lagt fram til kynningar erindi frá Sambandi íslenskra sveitarfélaga um framkvæmd PISA könnunarinnar 2018. Á tímabilinu 12. mars til 13. apríl n.k. verður könnunin lögð fyrir í öllum grunnskólum landsins. Með bréfinu eru sveitarfélög og fræðsluskrifstofur hvött til að huga vel að framkvæmd könnunarinnar og búa vel að skólum og nemendum í fyrirlagningarferlinu.

Bæjarráð vísar erindinu til deildarstjóra fræðslu-, frístunda og menningamála.

Lögð fram til kynningar skýrsla um stöðu raforkumála í Eyjafirði sem verkfræðistofan Lota vann að beiðni Atvinnuþróunarfélags Eyjafjarðar.

Tekin fyrir styrkbeiðni frá Íslenskum kraftmönnum vegna aflraunamóts Norðurlands, Jakans. Keppnin fer fram víðs vegar um Norðurland dagana 23.-25. ágúst 2018.

Bæjarráð felur deildarstjóra fræðslu-, frístunda og menningamála að fá nánari upplýsingar um málið.

Lagðar fram til kynningar fundargerðir vegna aðalfundar Flokkunar ehf 2018 og stjórnarfundar Flokkunar ehf, sem haldnir voru þann 6. mars sl.

Lagt fram fundarboð vegna aðalfundar Lánasjóðs sveitarfélaga ohf. sem verður haldinn föstudaginn 23. mars 2018 kl. 15 á Grand Hótel Reykjavík.

Allsherjar- og menntamálanefnd Alþingis sendir til umsagnar tillögu til þingsályktunar um aðgengi að stafrænum smiðjum, 236. mál.

Lagt fram til kynningar.

Velferðarnefnd Alþingis sendir til umsagnar frumvarp til laga um heilbrigðisþjónustu (réttur til einbýlis og sambúðar við maka á öldrunarstofnunum), 178. mál.

Lagt fram til kynningar.

Umhverfis- og samgöngunefnd Alþingis sendir til umsagnar tillögu til þingsályktunar um skiptingu útsvarstekna milli sveitarfélaga, 200. mál.

Lagt fram til kynningar.

Lögð fram til kynningar fundargerð 303. fundar stjórnar Eyþings sem haldinn var þann 2. mars sl..

Lagðar fram til kynningar fundargerðir 52. fundar fræðslu- og frístundanefndar, 223. fundar skipulags- og umhverfisnefndar og 41. fundar markaðs- og menningarnefndar.