Bæjarráð Fjallabyggðar

Lagt er fram minnisblað deildarstjóra tæknideildar dags. 20. október 2021, í minnisblaðinu kemur fram að leitað hafi verið tilboða þriggja aðila í tilfallandi skipulagsvinnu (tímavinna) á meðan skipulagsfulltrúi er í fæðingarorlofi. Í minnisblaðinu leggur deildarstjóri til að tilboði lægstbjóðanda verði tekið.

Lagt fram til kynningar erindi Sambands íslenskra sveitarfélaga, dags. 08.01.2019 þar sem sveitarfélög eru minnt á að samkvæmt 2. mgr. 19. gr. laga nr. 94/1986 um kjarasamninga opinberra starfsmanna og 2. gr. í nýsamþykktum lögum nr. 129/2020 um skrá yfir störf hjá sveitarfélögum sem heimild til verkfalls nær ekki til, skulu sveitarfélög, fyrir 1. febrúar ár hvert, að undangengnu samráði við viðkomandi stéttarfélög, birta skrár (lista) yfir þá starfsmenn sem ekki hafa verkfallsheimild.

Bæjarstjóri lagði fram og fór yfir rammaáætlun vegna komandi rekstrarárs og forsendur sem að baki henni liggja.

Lagt er fram minnisblað deildarstjóra fræðslu-, frístunda- og menningarmála dags. 26. október 2021. Í minnisblaðinu leggur deildarstjóri til við bæjarráð að öllum tilboðum sem bárust í ræstingu í Leikskóla Fjallabyggðar, Leikhóla 2021-2024, sem opnuð voru þann 11. október sl., og kynnt á fundi bæjarráðs þann 14. október sl., verði hafnað og útboð í verkið auglýst að nýju. Tillaga um höfnun tilboða byggir á því að í ljós hefur komið að ágalli var á framkvæmd útboðsins. Fyrir liggur að virði umrædds ræstingarsamnings, með mögulegri framlengingu um tvö ár, er mun meira en viðmiðunarfjárhæð útboðsskyldu samkvæmt ákvæðum laga um opinber innkaup og bar því að auglýsa útboðið á landsvísu á útboðsvef, samanber ákvæði reglugerðar nr. 1313/2020.
Einnig er lagt fram minnisblað lögmanns sveitarfélagsins dags. 25. október.

Lögð er fram til kynningar umsögn bæjarstjóra sem óskað var eftir á 714. fundi bæjarráðs.

Niðurstaða færð í trúnaðarbók.

Lögð er fram umsögn bæjarstjóra dags. 26. október 2021. Í umsögn sinni leggur bæjarstjóri til að Fjallabyggð taki með jákvæðum hætti í erindi Sambands íslenskra sveitarfélaga. Þ.e. að Fjallabyggð taki þátt í samtali um að sveitarfélög setji á fót húsnæðissjálfseignarstofnun er starfi á landsbyggðinni. Markmið mögulegrar húsnæðissjálfseignarstofnunar verði að stuðla að uppbyggingu almennra íbúða þar sem þess er þörf utan höfuðborgarsvæðis og vaxtarsvæða, í þágu tekjulágra hópa á vinnumarkaði og þeirra hópa sem sveitarfélög bera sérstakar lagaskyldur gagnvart, m.a. fötluðu fólki.

Lagt er fram erindi Guðjóns Sigurðssonar dags. 20. október 2021, efni erindisins er að kynna fyrir sveitarfélaginu verkefnið „Aðgengi að lífinu“ ásamt að óska eftir samtali við sveitarfélagið vegna aðgengismála fatlaðra. Einnig er í erindinu bent á möguleika sveitarfélaga til að sækja um styrk í fasteignasjóð Jöfnunarsjóðs sveitarfélaga.

Lagt er fram erindi Gísla Marteins Baldvinssonar dags. 22. október 2021, efni erindis er að óska eftir 100.000 kr. styrks vegna keppnisferðar til Finnlands þar sem keppt verður í blaki.

Lögð er fram til kynningar bókun bæjarstjórnar Akureyrar frá 19. október 2021.

Lagt er fram til kynningar bréf Eignarhaldsfélags Brunabótafélags Íslands dags. 22. október 2021.

Lögð er fram til kynningar fundargerð 28. fundar ungmennaráðs Fjallabyggðar dags. 21. október 2021.