Styrkumsóknir 2024 - Grænir styrkir - umhverfisstyrkir

Lagt fram til kynningar. Bæjarráð óskar eftir umsögn skipulags- og umhverfisnefndar um málið en vísar því að öðru leyti til gerðar fjárhagsáætlunar 2024.

Nefndin þakkar öllum umsækjendum fyrir góðar umsóknir. Nefndin telur eðlilegt að tekið sé tillit til rekstrarstyrkja félagasamtaka við úthlutun grænna styrkja og jafnframt að sveitarfélagið eigi sjálft að hafa umsjón með verkefnum á opnum svæðum innan sveitarfélagsins. Umsækjendur sem ekki hafa áður fengið úthlutað grænum styrk ættu að ganga fyrir.

Bæjarráð vísar tillögu sinni um græna styrki fyrir árið 2024 til fyrstu umræðu bæjarstjórnar um fjárhagsáætlun 2024. Niðurstaða færð í trúnaðarbók þar til fjárhagsáætlun 2024 verður endanlega samþykkt og úthlutun kynnt styrkþegum.