Berjadagar 2021

Lagt er fram erindi Ólafar Sigursveinsdóttur dags. 23. júlí 2021 f.h. tónlistarhátíðarinnar Berjadaga. Í erindinu er sveitarfélagið upplýst um að Berjadögum, tónlistarhátíð 2021, hafi verið aflýst vegna stöðu Covid faraldursins. Einnig er þess farið á leit að bæjarráð veiti heimild til nýtingar styrks sveitarfélagsins til greiðslu áfallins kostnaðar.

Lögð er fram umsögn deildarstjóra fræðslu-, frístunda- og menningarmála dags. 8. september sl.. Umsögnin er unnin í samræmi við ósk bæjarráðs þar um, á 705. fundi ráðsins. Í umsögn deildarstjóra er lagt til að Berjadögum verði veittur hluti úthlutaðs styrks til hátíðarhalda 2021, þó ekki meira en helming þess er úthlutað var.