Umsókn um hliðrun byggingarreits-Skógarstíg 2 Siglufirði

Lagt fram erindi Atla Jónssonar dagsett 15. maí 2019. Óskað er eftir leyfi til að hliðra byggingarreit á Skógarstíg 2 um 10 metra til austurs skv. meðfylgjandi uppdrætti. Einnig óskað eftir heimild til að hefja gröft á lóðinni.

Lagt fram að nýju erindi Atla Jónssonar dagsett 15. maí 2019. Óskað er eftir leyfi til að hliðra byggingarreit á Skógarstíg 2 um 10 metra til austurs skv. meðfylgjandi uppdrætti.

Lögð fram breyting á deiliskipulagi fyrir Saurbæjarás þar sem byggingarreit fyrir Skógarstíg 2 er hliðrað til um 10 metra til suð-austurs.
Meðfylgjandi er uppdráttur sem sýnir deiliskipulagsbreytinguna.

Á 257. fundi nefndarinnar þann 26. ágúst sl. var samþykkt að grenndarkynna óverulega breytingu á deiliskipulagi fyrir Saurbæjarás þar sem byggingarreit fyrir Skógarstíg 2 er hliðrað til um 10 metra. Grenndarkynning á deiliskipulagsbreytingunni hefur farið fram skv. 2. mgr. 43. gr. skipulagslaga nr. 123/2010. Frestur til að gera athugasemdir við breytinguna var til 5. október sl. Tvær athugasemdir bárust.

Á 257. fundi nefndarinnar þann 26. ágúst sl. var samþykkt að grenndarkynna óverulega breytingu á deiliskipulagi fyrir Saurbæjarás.
Á 259. fundi þann 14. október sl. fór nefndin yfir þær tvær athugasemdir sem bárust og fól tæknideild að vinna drög að svörum við þeim.

Lagður fram til kynningar úrskurður úrskurðarnefndar umhverfis- og auðlindamála vegna kæru ákvörðunar bæjarstjórnar Fjallabyggðar frá 15. janúar 2021 um að samþykkja breytingu á deiliskipulagi við Skógarstíg 2 á Saurbæjarási.

Lögð fram til kynningar krafa um endurupptöku máls til úrskurðarnefndar umhverfis- og auðlindamála, vegna hliðrunar á byggingarreit við Skógarstíg 2. Einnig lagt fram svar Fjallabyggðar vegna kröfunnar.

Lögð fram til kynningar afgreiðsla Úrskurðarnefndar umhverfis- og auðlindamála vegna beiðni um endurupptöku kærumáls nr. 12/2021.