Bæjarráð Fjallabyggðar - 480. fundur - 20. desember 2016

Málsnúmer 1612006F

Vakta málsnúmer

Bæjarstjórn Fjallabyggðar - 141. fundur - 11.01.2017

  • .1 1611090 Starf deildarstjóra fræðslu- frístunda- og menningarmála
    Bæjarráð Fjallabyggðar - 480. fundur - 20. desember 2016 Á 139. fundi bæjarstjórnar, 2. desember 2016, í tengslum við uppsögn Kristins J. Reimarssonar á starfi sem deildarstjóra fræðslu- frístunda- og menningarmála, var samþykkt að vísa beiðni hans um síðasta vinnudag til bæjarráðs.

    Bæjarráð samþykkir að fresta afgreiðslu þar til ljóst verður með ráðningu eftirmanns.

    Sjö umsóknir bárust í starf deildarstjóra fræðslu- frístunda- og menningarmála en umsóknarfrestur rann út 18. desember 2016.

    Umsækjendur eru:

    Eiríkur Hilmarsson
    Halldóra María Elíasdóttir
    Lara Pázaándi
    Linda Lea Bogadóttir
    Róbert Grétar Gunnarsson
    Sveinbjörn F Arnaldsson
    Sævar Birgisson

    Bæjarráð samþykkir að fela bæjarstjóra, formanni bæjarráðs og varaformanni bæjarráðs að fara yfir þær umsóknir sem uppfylla skilyrði og ræða við þá umsækjendur.     Bókun fundar Afgreiðsla 480. fundar bæjarráðs staðfest á 141. fundi bæjarstjórnar með 6 atkvæðum.
  • .2 1504048 Göngubrú yfir Ólafsfjarðará
    Bæjarráð Fjallabyggðar - 480. fundur - 20. desember 2016 Í erindi Haraldar Marteinssonar, dagsettu 17. nóvember 2016, var óskað eftir afstöðu Fjallabyggðar til göngubrúar yfir Ólafsfjarðará, þar sem brúin sé að hruni komin. Samkv. aðalskipulagi Fjallabyggðar 2008-2028, er göngubrúin ekki á skipulagðri gönguleið. Brúin stendur á einkalandi Kálfsár og Þóroddsstaða.
    Töluverð hætta stafar af brúnni í dag og allt viðhald fram til þessa vegna brúarinnar hefur verið á vegum bæjarfélagsins.
    Á 479. fundi bæjarráðs, 13. desember 2016, var samþykkt að óska eftir kostnaðaráætlun við að láta fjarlægja brúna.

    Kostnaðaráætlun deildarstjóra tæknideildar lögð fram.

    Bæjarráð samþykkir að bjóða bréfritara að taka við brúnni í því ástandi sem hún er endurgjaldslaust, að öðrum kosti samþykkir bæjarráð að láta fjarlægja brúna.     Bókun fundar Afgreiðsla 480. fundar bæjarráðs staðfest á 141. fundi bæjarstjórnar með 6 atkvæðum.
  • .3 1611056 Tillaga að breytingu á samþykktum um stjórn Fjallabyggðar grein 46. - Atvinnumálanefnd
    Bæjarráð Fjallabyggðar - 480. fundur - 20. desember 2016 Á 139. fundi bæjarstjórnar, 14. desember 2016, var samþykkt samhljóða með 7 atkvæðum að atvinnumálanefnd yrði lögð niður frá og með 1. janúar 2017 og verkefni hennar falin bæjarráði og markaðs- og menningarnefnd. Jafnframt var samþykkt samhljóða með 7 atkvæðum að vísa til bæjarráðs, fullnaðarafgreiðslu á framlögðu erindisbréfi fyrir markaðs- og menningarnefnd.

    Bæjarráð samþykkir fyrirliggjandi tillögu að erindisbréfi markaðs- og menningarnefndar.     Bókun fundar Bæjarstjórn samþykkir samhljóða með 6 atkvæðum erindisbréf markaðs- og menningarnefndar.
  • .4 1612002 Launaþróun tónlistarkennara og staða kjaraviðræðna
    Bæjarráð Fjallabyggðar - 480. fundur - 20. desember 2016 Lögð fram til kynningar ályktun félagsmanna FT við Tónlistarskólann á Tröllaskaga, dagsett 14. desember 2016 varðandi stöðu kjarasamningsmála. Bókun fundar Afgreiðsla 480. fundar bæjarráðs staðfest á 141. fundi bæjarstjórnar með 6 atkvæðum.
  • .5 1610003 Gjaldskrár 2017
    Bæjarráð Fjallabyggðar - 480. fundur - 20. desember 2016 a) Gjaldskrá leikskóla 2017
    Í samþykktri gjaldskrá er einingarverð vistunargjalds 3.250 p/klst
    ekki að öllu leyti rétt sett upp í samþykktri gjaldskrá.
    Bæjarráð samþykkir að uppsetning verð færð til samræmis við einingarverð.

    b) Gjaldskrá bókasafns 2017
    Í samþykktri gjaldskrá er tímalengd skammtímakorta sagður 1 mánuður, en á að vera þrír mánuðir.

    Bæjarráð samþykkir svo breytta skilgreiningu á skammtímakortum í gjaldskrá bókasafns fyrir árið 2017.

    c) Gjaldskrá tjaldsvæða 2017
    Í umfjöllun um gjaldskrá var ranglega haft til viðmiðunar að gjaldaliður fyrir öryrkja og ellilífeyrisþega væri kr. 0 fyrir árið 2016, en hafði verið samþykktur 900 kr fyrir það ár.

    Bæjarráð samþykkir að gistinótt pr. ellilífeyrisþega og öryrkja verði kr. 1.000 fyrir árið 2017.     Bókun fundar Bæjarstjórn samþykkir samhljóða með 6 atkvæðum leiðréttingu á gjaldskrám 2017 vegna leikskóla, bókasafns og tjaldsvæða.
  • .6 1612022 Húsnæðisáætlanir,stofnframlög og skyldur sveitafélaga gagnvart fötluðu fólki
    Bæjarráð Fjallabyggðar - 480. fundur - 20. desember 2016 Lögð fram til kynningar hvatning til stjórnenda sveitarfélaga frá Þroskahjálp, dagsett 7. desember 2016, til að huga að aðstæðum og þörfum fólks með þroskahömlun og fatlaðs fólks almennt, þegar áætlanir í húsnæðismálum verða settar svo og reglur og/eða ákvarðanir um veitingu stofnframlaga samkvæmt nýjum lögum sem um það gilda. Bókun fundar Afgreiðsla 480. fundar bæjarráðs staðfest á 141. fundi bæjarstjórnar með 6 atkvæðum.
  • .7 1612024 Beiðni um leyfi til að gera vegslóða uppá Múlakollu
    Bæjarráð Fjallabyggðar - 480. fundur - 20. desember 2016 Lagt fram bréf frá Arctic Freeride ehf, dagsett 13. nóvember 2016, varðandi beiðni um leyfi til að gera vegslóða upp á Múlakollu.

    Bæjarráð vísar erindinu til umfjöllunar í skipulags- og umhverfisnefnd.     Bókun fundar Afgreiðsla 480. fundar bæjarráðs staðfest á 141. fundi bæjarstjórnar með 6 atkvæðum.
  • .8 1407056 Menningarstefna Fjallabyggðar
    Bæjarráð Fjallabyggðar - 480. fundur - 20. desember 2016 Lagt fram erindi frá aðilum sem mættu á fund bæjarfélagsins 18. nóv. s.l. ráðhúsinu, til að fjalla um endurskoðun á menningarstefnu Fjallabyggðar.

    Jafnframt var lagt fram minnisblað markaðs- og menningafulltrúa, Lindu Leu Bogadóttur um stöðu vinnu við endurskoðun menningarstefnu Fjallabyggðar.     Bókun fundar Afgreiðsla 480. fundar bæjarráðs staðfest á 141. fundi bæjarstjórnar með 6 atkvæðum.
  • .9 1609042 Ísland ljóstengt - Upplýsingar vegna ljósleiðaravæðingar sveitarfélaga
    Bæjarráð Fjallabyggðar - 480. fundur - 20. desember 2016 Lagðar fram til kynningar upplýsingar frá Eyþingi þar sem vakin er athygli á að Fjarskiptasjóður auglýsir nú umsóknarferli vegna verkefnisins Ísland ljóstengt sem er landsátak stjórnvalda í uppbyggingu ljósleiðarakerfa utan markaðssvæða í dreifbýli. Bókun fundar Afgreiðsla 480. fundar bæjarráðs staðfest á 141. fundi bæjarstjórnar með 6 atkvæðum.
  • .10 1612030 Áramóta og nýársbrennur
    Bæjarráð Fjallabyggðar - 480. fundur - 20. desember 2016 Lagt fram til kynningar hugleiðingar frá framkvæmdastjóra Moltu ehf, dagsett 9. desember 2016, í tengslum við áramóta og nýársbrennur og nauðsyn þess fyrir Moltu ehf að hafa aðgang að timbri við ferlið í jarðgerðarstöðinni. Bókun fundar Afgreiðsla 480. fundar bæjarráðs staðfest á 141. fundi bæjarstjórnar með 6 atkvæðum.
  • .11 1611015 Drög að nýrri reglugerð um heimagistingu o.fl.
    Bæjarráð Fjallabyggðar - 480. fundur - 20. desember 2016 Lögð fram til kynningar frá Atvinnuvega- og nýsköpunarráðuneytinu lokadrög að reglugerð um veitingastaði, gististaði og skemmtanahald sem fer í birtingu á næstu dögum. Margar umsagnir bárust vegna draganna í umsagnarferlinu og reynt var að taka tillit til þeirra við yfirferð reglugerðarinnar í kjölfarið. Um er að ræða umhverfi sem er í mikilli mótun og mun framkvæmdin leiða í ljós hvað kemur til með að ganga vel og hvað má betur fara. Ráðuneytið þakkar jafnframt fyrir umsögn Fjallabyggðar. Bókun fundar Afgreiðsla 480. fundar bæjarráðs staðfest á 141. fundi bæjarstjórnar með 6 atkvæðum.
  • .12 1605063 Ofrukkaður fasteignaskattur
    Bæjarráð Fjallabyggðar - 480. fundur - 20. desember 2016 Undir þessum lið vék Steinunn María Sveinsdóttir af fundi.

    Í tengslum við erindi safnstjóra Síldarminjasafns Íslands ses. frá 17. maí 2016 samþykkti bæjarráð að leiðrétta álagningu fasteignaskatts á þrjár fasteignir á árunum 2015 og 2016, Bátaskemmu, Njarðarskemmu og Ásgeirsskemmu.
    Í erindi safnstjóra frá 17. nóvember 2016 er lögð fram ósk um að bæjarráð endurskoði einnig álagningu fasteignaskatts af Tjarnargötu 2, slippnum og Róaldsbrakka, Snorragötu 16.

    Bæjarráð samþykkir að vísa erindinu til umfjöllunar við gerð rekstrarsamnings sem gilda á fyrir 2017 til 2018. Drög að nýjum rekstrarsamningi verði lagður fyrir bæjarráð á nýju ári.     Bókun fundar Steinunn María Sveinsdóttir vék af fundi við afgreiðslu þessa dagskrárliðar.
    Afgreiðsla 480. fundar bæjarráðs staðfest á 141. fundi bæjarstjórnar með 5 atkvæðum.
  • .13 1601013 Fundargerðir nefnda og stjórna Fjallabyggðar - 2016
    Bæjarráð Fjallabyggðar - 480. fundur - 20. desember 2016 Lögð fram til kynningar fundargerð hafnarstjórnar frá 16. desember 2016 Bókun fundar Afgreiðsla 480. fundar bæjarráðs staðfest á 141. fundi bæjarstjórnar með 6 atkvæðum.