Fræðslu- og frístundanefnd Fjallabyggðar - 5. fundur - 26. nóvember 2013
Málsnúmer 1311008F
Vakta málsnúmer
-
Fræðslu- og frístundanefnd Fjallabyggðar - 5. fundur - 26. nóvember 2013
Leikskólastjóri, Olga Gísladóttir kynnti starfsáætlun Leikskóla Fjallbyggðar fyrir skólaárið 2013-2014. Helstu áhersluþættir starfsáætlunarinnar eru eftirfarandi: Matsaðferðir leikskólans, starfsþróunaráætlun, upplýsingar um starfsmannamál, fjöldi barna, upplýsingar um foreldrasamstarf og skóladagatal fyrir skólaárið.
Faglegar áherslur í starfi leikskólans fyrir næsta leikskólaár er að ljúka við innleiðingu á nýrri aðalnámskrá, áframhaldandi vinna við Lífsleikni í leikskóla og áhersla á að leikurinn er kjarninn í uppeldisstarfi leikskólans.
Alls eru 31 starfsmenn starfandi við leikskólann þar af 10 með leikskólakennaramenntun. Barnafjöldi er 101, þar af 42 á Leikhólum og 59 á Leikskálum. Nánast öll börnin eru í heilsdagsvistun.
Starfsáætlunin er aðgengilega á heimsíðum leikskólanna, http://www.leikskolinn.is/leikholar/ og http://www.leikskolinn.is/leikskalar/.
-
Fræðslu- og frístundanefnd Fjallabyggðar - 5. fundur - 26. nóvember 2013
Skólastjóri, Jónína Magnúsdóttir kynnti ársskýrslu Grunnskólans fyrir skólaárið 2012-2013. Í skýrslunni kemur m.a. fram að góð reynsla er af sameinuðu skólahaldi eftir að Grunnskóli Ólafsfjarðar og Grunnskóli Siglufjarðar voru sameinaðir undir einn hatt árið 2010.
Á síðasta skólaári voru 56 starfsmenn starfandi við skólann, þar af 30 kennarar. Nemendafjöldi var 225 og hefur þeim fækkað nokkuð milli ára, á yfirstandi skólaári eru þeir 208 en gert er ráð fyrir að þeim fari aftur fjölgandi á næstu árum.
Þróunarstarf og áherslur á skólaárinu voru helstar: Einstaklingsmiðað nám og fjölbreytt námsmat, uppbyggileg og jákvæð samskipti, Uppbyggingarstefnan, skólanámskrárgerð, Hreystidagar, vinna gegn einelti í anda Olweusáætlunar, Grænfánaverkefnið og Byrjendalæsi sem er þróunarvinna í 1.- 4. bekk í samstarfi við Háskólann á Akureyri.
-
Fræðslu- og frístundanefnd Fjallabyggðar - 5. fundur - 26. nóvember 2013
Kynningu á starfsáætlun Grunnskólans frestað þar til síðar.
-
Fræðslu- og frístundanefnd Fjallabyggðar - 5. fundur - 26. nóvember 2013
Golfklúbbur Siglufjarðar sækir um styrk til kaupa á æfingar- og kennslukerfi svo nefnt SNAG golf, sem er kennslukerfi er hentar sérstaklega börnum og öldruðum.
Erindinu vísað til fjárhagsáætlunargerðar.
-
Fræðslu- og frístundanefnd Fjallabyggðar - 5. fundur - 26. nóvember 2013
Borist hefur beiðni til fræðslu- og frístundanefndar um styrk til að standa straum af veitingakostnaði við athöfnina ,,Íþróttamaður Fjallabyggðar 2013". Athöfnin fer fram í Allanum þann 28. desember næst komandi.
Nefndin tekur jákvætt í erindið og felur félagsmálastjóra að ganga frá málinu.
-
Fræðslu- og frístundanefnd Fjallabyggðar - 5. fundur - 26. nóvember 2013
Bókun fundar
Afgreiðsla 5. fundar fræðslu- og frístundanefndar staðfest á 95. fundi bæjarstjórnar með 9 atkvæðum.
-
Fræðslu- og frístundanefnd Fjallabyggðar - 5. fundur - 26. nóvember 2013
Fræðslu- og frístundanefnd telur að núverandi fyrirkomulag á breytilegum opnunartíma á morgnana óheppilegt og samþykkir að sundlaugin verði lokuð frá kl. 8-14 virka daga. Breytingin tekur gildi frá og með 2. desember næstkomandi og gildir þar til annað verður ákveðið.
-
Fræðslu- og frístundanefnd Fjallabyggðar - 5. fundur - 26. nóvember 2013
Bókun fundar
Afgreiðsla 5. fundar fræðslu- og frístundanefndar staðfest á 95. fundi bæjarstjórnar með 9 atkvæðum.
Formaður fræðslu- og frístundanefndar, S. Guðrún Hauksdóttir gerði grein fyrir fundargerð.