Stýrihópur Heilsueflandi samfélags

Erindi frá sprotafyrirtækinu Sýslu, menning og listir lagt fram. Sýsla kynnir íslenskt hand- og hugverk í formi smáforrits sem hefur fengið nafnið Ratleikja Appið. Ratleikja Appið er grunnur að ratleikjum víðsvegar um landið sem er aðlagaður að hverju sveitarfélagi/stað fyrir sig. Ratleikurinn getur verið upplýsandi og fræðandi eða byggður upp til að kynna bæjarfélagið enn betur og draga fólk að. Erindið lagt fram til kynningar. Ákveðið að skoða betur og kanna reynslu af Ratleikja Appinu.

Vinnusvæði Heilsueflandi.is fyrir Heilsueflandi samfélög hefur verið tekið í notkun. Hugmyndin er að heimasvæðið haldi utan um upplýsingar um heilsueflingarstarf og meðal annars eru þar gátlistar til að greina hvar þörf fyrir heilsueflandi aðgerðir liggur. Stýrihópurinn horfði á upptöku af fjarfundi sem Embætti landlæknis hélt fyrir tengiliði en á fundinum var heimasvæðið kynnt. Á næsta fundi stýrihóps mun hefjast vinna við að fylla út fyrsta gátlistann.