Markaðs- og menningarnefnd Fjallabyggðar

Nefndin samþykkir að auglýsa eftir aðilum/félagasamtökum sem eru tilbúin til að taka að sér umsjón með dagskrá hátíðarhalda 17. júní. Frestur til að skila inn umsóknum verður til 4. maí.

Samningur við Félag um Síldarævintýri á Siglufirði lagður fram til kynningar. Markaðs- og menningarnefnd gerir ekki athugasemdir við samninginn og leggur til við bæjarráð að hann verði samþykktur.

Bæjarráð vísar erindinu til umsagnar hjá markaðs- og menningarnefnd. Nefndin leggur til að sótt verði um styrk til að setja upp upplýsingaskilti við hafnir Fjallabyggðar þar sem vakin er athygli á lífríki hafnanna.

Lagt fram bréf frá Önnu Maríu Guðlaugsdóttur, forstöðumanni Tjarnarborgar, þar sem hún segir starfi sínu lausu vegna persónulegra aðstæðna. Nefndin leggur til að starf forstöðumanns verði auglýst þegar niðurstöður úr vinnu með framtíðarsýn hússins liggja fyrir.

Lagt fram til kynningar rekstraryfirlit fyrir annars vegar málaflokkinn menningarmál og hins vegar málaflokkinn atvinnumál fyrir tvo fyrstu mánuði ársins.