Markaðs- og menningarnefnd Fjallabyggðar

Markaðs- og menningarfulltrúi fór yfir drög að auglýsingu um haustfund ferðaþjónustu-, menningar- og afþreyingaraðila í Fjallabyggð. Fyrirhugað er að fundurinn verði haldinn í Tjarnarborg í lok október eða byrjun nóvember. Markaðs- og menningarfulltrúa falið að ljúka við gerð dagskrár og auglýsa fundinn.

Markaðs- og menningarfulltrúi fór yfir drög að auglýsingu um umsóknir um styrki til menningarverkefna, hátíðarhalda og reksturs safna og setra. Nefndin leggur til að við úthlutun styrkja til menningartengdra verkefna verði horft til nýsköpunar og menningarverkefna tengdum börnum sem framkvæmd eru yfir sumartímann. Markaðs- og menningarfulltrúa falið að ljúka við gerð auglýsingar og birta sem fyrst.

Markaðs- og menningarnefnd samþykkir drög að auglýsingu eftir tilnefningum til bæjarlistamanns Fjallabyggðar 2023. Umsóknarfrestur er til 1. nóvember nk. Markaðs- og menningarfulltrúa falið að birta auglýsinguna.