Markaðs- og menningarnefnd Fjallabyggðar

Rætt um fyrirhugaðan haustfund ferðaþjónustu-, menningar-, afþreyingar- og þjónustuaðila í Fjallabyggð sem fyrirhugaður er fimmtudaginn 14. nóvember nk. kl. 17:30 í Tjarnarborg. Formaður fór yfir dagskrá fundarins sem liggur nú fyrir og hefur verið auglýst. Nefndin hvetur áðurnefnda aðila til að fjölmenna á fundinn.

Mikilvægt er að Fjallabyggð eigi söfnunarstefnu og útlánareglur fyrir Listaverkasafn Fjallabyggðar. Markaðs- og menningarfulltrúi hefur unnið drög og felur nefndin honum að vinna drögin áfram í samræmi við umræðu fundarins.

Kjartan Stefánsson, fyrir hönd barna Stefáns Friðbjarnarsonar fyrrverandi bæjarstjóra Siglufjarðar, færði Fjallabyggð málverk eftir Herbert Sigfússon að gjöf. Myndefni málverksins er Siglufjörður á þeim tíma sem málverkið var gert, árið 1947. Málverkið var í eigu foreldra þeirra. Markaðs- og menningarnefnd þakkar höfðinglega gjöf.

Drög að fjárhagsáætlun þeirra málaflokka sem heyra undir markaðs- og menningarnefnd fyrir árið 2020 voru lögð fram til kynningar og umfjöllunar.

Drög að gjaldskrám Tjarnarborgar og Bóka- og héraðsskjalasafns Fjallabyggðar lðgð fram til kynningar og umfjöllunar.