Hafnarstjórn Fjallabyggðar

Undir þessum lið sat Friðþjófur Jónsson yfirhafnarvörður.

Hafnarstjóri lagði fram og fór yfir tölur um landaðan afla til og með 9. maí með samanburði við fyrri ár. Á Siglufirði hafa 2.893 tonn borist á land í 148 löndunum, samtímatölur fyrra árs eru 6.113 tonn í 283 löndunum. Á Ólafsfirði hafa 218,8 tonn borist á land í 228 löndunum, á sama tíma í fyrra hafði 303,5 tonnum verið landað í 202 löndunum.

Undir þessum lið sat Friðþjófur Jónsson yfirhafnarvörður.

Hafnarstjóri lagði fram og fór yfir þriggja mánaða rekstraryfirlit hafnarsjóðs.

Friðþjófur Jónsson vék af fundi kl. 16:15

Lögð fram drög að stefnu Fjallabyggðarhafna til 2030, drögin eru unnin af hafnarstjórn með aðstoð og ráðgjöf frá KPMG. Ferli stefnumótunar var með þeim hætti að verkefnisstjórn (hafnarstjórn) fundaði alls fimm sinnum, haldnir voru tveir opnir fundir með hagaðilum á og við hafnarsvæðin ásamt og að ráðgjafi tók sérstaklega viðtöl við stærri hagaðila á og við hafnarsvæðin.

Lögð fram til kynningar gögn, tölvupóstar og fylgiskjöl, er varða bann við aðgangi skipa sem sigla undir Rússneskum fána að höfnum Íslands, sbr. reglugerð 532/2022 um þvingunaraðgerðir varðandi Úkraínu með síðari breytingum, dags. 6. maí 2022 sem innleiðir reglugerð ráðsins (ESB) nr. 2022/576. Vísað er til framangreindrar reglugerðar um bannið.

Engin önnur mál.

Lögð fram til kynningar fundargerð 443. fundar stjórnar Hafnasambands Íslands.