Hafnarstjórn Fjallabyggðar

Hafnarstjóri og formaður hafnarstjórnar fóru yfir ráðningarferli og lögðu fram samantekt ráðgjafa vegna ráðningar. Að því loknu lagði hafnarstjóri til við fundinn að Friðþjófur Jónsson yrði ráðinn yfirhafnarvörður.

Friðþjófur er með skipstjórnarréttindi og hefur sótt ýmis námskeið, t.d. um öryggismál, námskeið Slysavarnarskóla sjómanna og í tengslum við eld- og sjóbjörgun ásamt og að vera löggiltur vigtarmaður. Friðþjófur hefur stundað sjómennsku nær alla sína starfsævi, lengst af sem yfirstýrimaður og skipstjóri og hefur í gegnum störf sín m.a. öðlast haldgóða þekkingu á höfnum Fjallabyggðar.

Lögð fram tillaga að breytingum á gjaldskrá Fjallabyggðarhafna í samræmi við umræður undir liðnum önnur mál á 126. fundi hafnarstjórnar.

Lögð fram tillaga að skiltavísi ásamt kostnaðaráætlun að fjárhæð 500.000.

Hafnarstjóri lagði fram og fór yfir verkáætlun Köfunarþjónustunnar vegna uppsetningar flotbryggju og tengdra framkvæmda. Áætlað er að bryggjan komi til landsins í 21. viku og að verklok verði í lok 23. viku.

Hafnarstjóri lagði fram og fór yfir tölur um landaðan afla til og með 4. apríl með samanburði við fyrri ár. Á Siglufirði hafa 1.951 tonn borist á land í 47 löndunum, samtímatölur fyrra árs eru 3.893 tonn í 99 löndunum. Á Ólafsfirði hafa 57 tonn borist á land í 54 löndunum, á sama tíma í fyrra hafði 37 tonnum verið landað í 25 löndunum.

Lagður fram til kynningar ársreikningur Hafnasambands Íslands 2021.

Hafnarstjóri lagði fram til kynningar svör Fjallabyggðarhafna við spurningum Hafnarsambands Íslands er varða áhrif af hugsanlegri lagabreytingu sem hafa mun áhrif á skilgreiningu hafnarsvæða, leitað var svara um hvort umrædd breyting hefði áhrif og þá hvaða.

Hafnarstjóri lagði fram og fór yfir minnisblað deildarstjóra fræðslu-, frístunda- og menningarmála er varðar tillögu um samning við fyrirtækið Splitti ehf. um aðgang og notkun á bókunarkerfinu Dokk sem þjónar bókunum á skemmtiferðaskipum á milli umboðsaðila og hafna á Íslandi. Einnig lögð fram drög að þjónustusamningi vegna bókunarkerfis. Áætlaður kostnaður vegna uppsetningar er 160.000 og 103.416 vegna árgjalds m.v. 40 skipakomur.

Lögð fram til kynningar fundargerð 442. fundar stjórnar Hafnasambands Íslands.