Fræðslu- og frístundanefnd Fjallabyggðar

Undir þessum lið sátu Jónína Magnúsdóttir skólastjóri og Erla Gunnlaugsdóttir fulltrúi kennara. Skólastjóri lagði fram og kynnti starfaáætlun grunnskólans fyrir skólaárið 2017-2018.

Deildarstjóri fræðslu-, frístunda- og menningarmála fór yfir starfsemi félagsmiðstöðvarinnar Neon í vetur.

Undir þessum lið sátu Olga Gísladóttir leikskólastjóri og Berglind Hlynsdóttir fulltrúi starfsmanna. Leikskólastjóri fór yfir breytingar á skóladagatali leikskólans en breytingar felast í meiri samræmingu við skóladagatal grunnskólans. Gerð var könnun meðal foreldra barna í leikskólanum um hentugustu tímasetningu sumarleyfis barna á leikskólanum. 58 foreldrar tóku þátt í könnuninni. Niðurstöður könnunar eru að langflestir velja sumarleyfi í vikunum 16.júlí - 3. ágúst þegar hver stök vika er skoðuð. Fræðslu- og frístundanefnd samþykkir skóladagatalið m.t.t. breytinga á skipulagsdögum til samræmis við skóladagatal grunnskólans. Ákvörðun um sumarlokun verður tekin af bæjarráði.

Undir þessum lið sátu Olga Gísladóttir leikskólastjóri og Berglind Hlynsdóttir fulltrúi starfsmanna. Leikskólastjóri kynnti starfsáætlun Leikskóla Fjallabyggðar fyrir skólaárið 2017-2018

Undir þessum lið sátu Olga Gísladóttir leikskólastjóri og Berglind Hlynsdóttir fulltrúi starfsmanna. Leikskólastjóri kynnti sjálfsmatsskýrslu Leikskóla Fjallabyggðar fyrir skólaárið 2016-2017.

Undir þessum lið sátu Olga Gísladóttir leikskólastjóri og Berglind Hlynsdóttir fulltrúi starfsmanna. Dagana 25. - 28. september komu fulltrúar Menntamálastofnunar í heimsókn í Leikskóla Fjallabyggðar og unnu að ytra mati á skólanum. Þeir dvöldu tvo daga í hvorri starfsstöð. Þeir tóku rýnihópaviðtöl við starfsfólk, foreldra og nemendur. Niðurstöður ytra mats er að vænta í lok nóvember.

Undir þessum lið sat Haukur Sigurðsson forstöðumaður íþróttamiðstöðva. Forstöðumaður fór yfir starfið í vinnuskólanum sumarið 2017.