Fræðslu- og frístundanefnd Fjallabyggðar

Skóladagatal fyrir skólaárið 2016 - 2017 lagt fram til staðfestingar. Nefndin staðfestir skóladagtöl stofnana.

Lagt fram til kynningar bréf Menntamálastofnunar v/ innleiðingu rafrænna prófa haustið 2016 og vorið 2017. Jónína Magnúsdóttir skólastjóri grunnskólans upplýsti um væntanlegt fyrirkomulag á prófunum og verður tengiliður skólans við MMS.

Í bréfi Menntamálastofnunar, dagsett 16. mars 2016, er upplýst um að niðurstaða liggi fyrir í greiningu á lesskilningshluta samræmdra könnunarprófa í íslensku meðal 10. bekkja grunnskóla landsins.
Samkvæmt Þjóðarsáttmála um læsi er markmið að árið 2018 geti a.m.k. 90% barna í 10. bekk lesið sér til gagns.

Jónína Magnúsdóttir fór yfir málið með nefndarmönnum.

Jónína Magnúsdóttir skólastjóri grunnskólans fór yfir helstu niðurstöður úr foreldrakönnun Skólapúlsins sem var lögð fyrir í febrúar 2016.

Magnús Ólafsson skólastjóri Tónskóla Fjallabyggðar fór yfir nokkur málefni tengt starfsemi skólans. Í máli hans kom fram að skóladagatalið sé 35 vikur en ekki 37 og eru fleiri kennslustundir á viku til að uppfylla lögbundna skólaskyldu. Fyrirhuguð er fækkun á stöðugildum ef sameining við tónskóla Dalvíkurbyggðar gengur eftir. Í bígerð er að gera breytingar á kaffiaðstöðu starfsfólks í starfsstöðinni á Siglufirði. Hugmyndir eru um að bjóða upp á gjaldfrjálst nám í málmblæstri en það hefiur verið gert í Dalvíkurbyggð og gefið góða raun. Ný námskrá fyrir yngri söngnemendur hefur verið í smíðum og verður byrjað að kenna eftir henni næsta vetur.
Gerð var stuttlega grein fyrir þeirri vinnu sem er í gangi við skoðun á sameiningu Tónskóla Fjallabyggðar og Dalvíkurbyggðar.
Þrír hópar fóru fyrir hönd skólans til Akureyrar og tóku þátt í Nótunni 2016.

Lögð fram umsókn um leikskóladvöl utan lögheimilissveitarfélags fyrir árið 2016. Samþykkt.

Bæjarráð vísar málinu til nefndarinnar til kynningar. Lagt fram til kynningar. Olga skólastjóri leikskólans telur verkefnið áhugavert og mun þetta verða tekið til skoðunar á næsta ári.