Fræðslu- og frístundanefnd Fjallabyggðar

Undir þessum lið sátu Erla Gunnlaugsdóttir skólastjóri og Ása Björk Stefánsdóttir aðstoðarskólastjóri.
Skólastjórnendur lögðu umbótaáætlun Grunnskóla Fjallabyggðar fram til kynningar. Nú er vinnu við alla þætti umbótaáætlunarinnar í kjölfar ytra mats grunnskólans lokið. Sumir þættirnir eru í sífelldri endurskoðun eðli sínu samkvæmt. Fræðslunefnd felur skólastjóra að senda umbótaáætlunina til mennta- og menningarmálaráðuneytisins þegar eftir henni verður kallað.

Undir þessum lið sátu Erla Gunnlaugsdóttir skólastjóri og Ása Björk Stefánsdóttir aðstoðarskólastjóri.
Skólastjóri fór yfir niðurstöður nemendakönnunar Skólapúlsins sem lögð var fyrir 6.-10.bekk í apríl sl. Einnig var stutt könnun lögð fyrir 1.-5. bekk sem tekur á líðan í skólanum og ánægju af lestri. Ef ánægja af lestri er skoðuð milli ára í 1.-5. bekk og árangur hvers árgangs borinn saman við fyrra ár má sjá framfarir hjá öllum árgöngum.

Undir þessum lið sátu Erla Gunnlaugsdóttir skólastjóri Grunnskóla Fjallabyggðar og Ása Björk Stefánsdóttir aðstoðarskólastjóri.
Deildarstjóri fræðslu-, frístunda- og menningarmála fór yfir þátttöku í Frístund á vorönninni. Mikil aukning er á þátttöku nemenda í 1.-4.bekk í Frístund en á vorönninni tóku tæplega 89% nemenda þátt í starfinu einn eða fleiri daga. Þetta er töluverð aukning því haustið 2017 var þátttaka um 75%.

Deildarstjóri fræðslu-, frístunda- og menningarmála fór yfir fyrirkomulag skóla- og frístundaaksturs fram að næsta hausti í kjölfar gjaldþrots Hópferðabíla Akureyrar. Verið er að undirbúa útboð á skóla- og frístundaakstri til næstu þriggja ára.