Fræðslu- og frístundanefnd Fjallabyggðar

Undir þessum lið sat Haukur Sigurðsson yfirmaður Vinnuskóla og Guðmann Sveinsson yfirmaður umhverfisverkefna. Guðmann og Haukur fóru yfir verkefni Vinnuskólans í sumar og launakostnað vs. áætlun. Sumarið gekk í heild mjög vel, ríflega 30 unglingar voru í Vinnuskólanum.
Fram kom í máli Hauks að mun minni áhugi var fyrir Smíðavöllum en gert hafi verið ráð fyrir en samtals um 10 börn tóku þátt í Smíðavöllum. Fundarmenn voru sammála um að útvíkka verkefnið og efla fyrir næsta sumar, lengja tímann o.s.frv.

Undir þessum lið sat Haukur Sigurðsson forstöðumaður íþróttamannvirkja.
Rætt um núgildandi úthlutunarreglur á frítímum í íþróttamiðstöðvum Fjallabyggðar. Búið er að vinna eftir reglunum í eitt ár og komið hafa fram ábendingar sem fræðslu- og frístundanefnd tekur til skoðunar. Deildarstjóra fræðslu-, frístunda- og menningarmála falið að vinna málið áfram út frá umfjöllun nefndarinnar og leggja tillögu fyrir næsta fund nefndarinnar.

Undir þessum lið sat Jónína Magnúsdóttir skólastjóri Grunnskóla Fjallabyggðar og Helena Aspelund fulltrúi kennara.
Skólastjóri fór yfir skólabyrjun, skólasetningu og starfsmannamál. Fjallabyggð afhendir nemendum í Grunnskóla Fjallabyggðar ritfangapakka að gjöf í skólabyrjun.

Undir þessum lið sat Jónína Magnúsdóttir skólastjóri Grunnskóla Fjallabyggðar og Helena Aspelund fulltrúi kennara.
Deildarstjóri fræðslu-, frístunda- og menningarmála fór yfir skipulag Frístundar og val á viðfangsefnum. Framboð á viðfangsefnum í Frístund hefur aukist frá síðasta skólaári. Fleiri íþróttafélög taka nú þátt. Þegar rafrænni skráningu lauk voru 68 nemendur skráðir í Frístund og 22 í Lengda viðveru. Þetta eru fleiri skráningar en í upphafi skólaárs 2017.

Undir þessum lið sat Olga Gísladóttir skólastjóri Leikskóla Fjallabyggðar.

Skólastjóri fór yfir upphaf skólaárs, aðstæður og starfsmannamál. 63 nemendur eru á Leikskálum Siglufirði og 35 nemendur á Leikhólum Ólafsfirði. Áætlað er að um áramót verði nemendur samtals 110. Þá eru 33 starfsmenn í 30 stöðugildum.

Borist hefur erindi frá UÍF um frístundaakstur milli bæjarkjarnanna. Stjórn UÍF óskar eftir að boðið verði upp á frístundaakstur frá Siglufirði kl. 17:00 og frá Ólafsfirði um kl. 17:30 til að tryggja megi iðkendum íþróttafélaga sem stunda æfingar seinni hluta dags heimferð. Fræðslu- og frístundanefnd felur deildarstjóra fræðslu-, frístunda- og menningarmála að skoða hvaða möguleikar eru fyrir hendi í frekari frístundaakstri og leggja fyrir næsta fund nefndarinnar.