Fræðslu- og frístundanefnd Fjallabyggðar

Jónína Magnúsdóttir skólastjóri sat undir þessum lið. Skólastjóri fór yfir niðurstöður eineltiskönnunar Olweusáætlunarinnar sem lögð var fyrir nemendur í 5.-10.bekk í lok nóvember 2017. Niðurstöður gefa til kynna að einelti í Grunnskóla Fjallabyggðar er undir landsmeðaltali. Það mælist 4,9% í Grunnskóla Fjallabyggðar en 6,3% á landsvísu. Samkvæmt könnuninni er líðan nemenda betri en í könnun 2016, þeir eru vinafleiri og minna einelti mælist.

Grunnskóli Fjallabyggðar hefur tekið þátt í Skólahreysti frá því hann var stofnaður. Norðurlandsundankeppnin fer fram á Akureyri í mars. Innanskólakeppni í Skólahreysti í Grunnskóla Fjallabyggðar fer fram n. k. föstudag 2. febrúar.
Fræðslu- og frístundanefnd samþykkir að gefa viðurkenningu í formi gjafabréfs fyrir 3ja mánaða líkamsræktarkorti fyrir fyrsta sætið í hraðabrautinni, hreystigreip og armbeygjum og einnig dýfum og upphífingum. Um er að ræða fjórar viðurkenningar alls. Kortin verða gefin út á nafn þess sem viðurkenninguna hlýtur.
Fræðslu- og frístundanefnd leggur til að þessi viðurkenning verði árleg. Viðurkenningar þessar rúmast á fjárhagsáætlun 2018, í liðnum Styrkir og framlög.

Haukur Sigurðsson forstöðumaður mætti á fundinn og fór yfir vinnu sem farið hefur fram í líkamsræktarstöðvunum í báðum byggðarkjörnum. Tekið hefur verið til, tækjum skipt út eða þeim fækkað.

Kraftlyftingarfélag Ólafsfjarðar mun fá æfingaraðstöðu í líkamsræktarstöðinni í Ólafsfirði og á næstunni munu þeir hefja starfsemi sína í líkamsræktarstöðinni.

Ákveðið hefur verið að bjóða upp á þrjá fría daga í líkamsræktarstöðvunum og bjóða upp á leiðsögn afmarkaðan tíma á þessum dögum. Frí opnun og leiðsögn verður auglýst á næstunni.

Reglur um afslátt til aðildafélaga á líkamsræktarkortum hafa verið birtar á heimasíðu Fjallabyggðar og þar er einnig umsóknareyðublað fyrir aðildarfélög. Þá hefur Viðauki við gjaldskrá íþróttamiðstöðva verið endurútgefinn á heimasíðu Fjallabyggðar.

Undir þessum lið sat Kristín María Hlökk Karlsdóttir aðstoðarskólastjóri Leikskóla Fjallabyggðar.

Fræðslu- og frístundanefnd lagði til í október að farið yrði í vinnu við eflingu starfsanda og ráðgjöf til stjórnenda.
Deildarstjóri fræðslu-, frístunda- og menningarmála upplýsti nefndina um þá vinnu sem er að fara af stað á næstu vikum.

Niðurstaða færð í trúnaðarbók.