Félagsmálanefnd Fjallabyggðar

Lögð fram til kynningar móttökuáætlun fyrir íbúa af erlendum uppruna.
Meginmarkmið móttökuáætlunar sveitarfélaga er að stuðla að jöfnum tækifærum til menntunar auk félagslegrar, efnahagslegrar og menningarlegrar velferðar nýbúa, óháð bakgrunni þeirra.
Fjölmenningarsetri er falið að veita sveitarfélögum og stofnunum stuðning við gerð móttökuáætlana og fjölmenningarstefna. Hlutverk Fjölmenningarseturs er meðal annars að veita stjórnvöldum, stofnunum, fyrirtækjum, félögum og einstaklingum ráðgjöf og upplýsingar um málefni innflytjenda.

Farið yfir stöðu verkefnisins, opnunarhátíð Hátinds 60 plús sem fram fór þann 29. mars sl. fyrir fullu húsi í Tjarnarborg og viðburði og verkefni sem framundan eru.

Lagt fram til kynningar bréf félags- og vinnumarkaðsráðuneytisins, dag. 23.02.2023 varðandi fjölgun NPA samninga á árinu 2023.

Lögð fram drög að stefnu áætlun Fjallabyggðar gegn einelti, áreitni og ofbeldi. Markmið viðbragðsáætlunarinnar er til að fyrirbyggja og bregðast við aðstæðum þar sem einstaklingur eða hópur telur sig verða fyrir einelti, kynbundinni áreitni, kynferðislegri áreitni eða ofbeldi innan vinnustaðar eða við þjónustu á vegum Fjallabyggðar.

Ársreikningur heimilisins að Lindargötu 2 fyrir árið 2022 lagður fram til kynningar.

Lagt fram til kynningar.

Deildarstjóri félagsmáladeildar hefur sent verkefnastjórn um heildarendurskoðun á þjónustu við eldra fólk viljayfirlýsingu um að Fjallabyggð hafi áhuga á að sækja um að vera tilraunasveitarfélag um þjónustuna.

Innviðaráðuneytið býður kjörnum fulltrúum og starfsfólki sveitarfélaga til fræðslufundar um hinsegin málefni. Fræðslan fer fram á fjarfundi (Teams). Fræðslan tekur um klukkustund og er opin öllum kjörnum sveitarstjórnarfulltrúum og starfsfólki sveitarfélaga.