Félagsmálanefnd Fjallabyggðar

Ríkey Sigurbjörnsdóttir, deildarstjóri fræðslu-, frístunda- og menningarmála, mætti á fundinn undir þessum lið fundargerðarinnar og sagði frá stöðu verkefnisins.

Samningur við ráðgjafasvið KPMG vegna vinnu við húsnæðisáætlun lagður fram til kynningar á fundinum. Ingvar Á. Guðmundsson, aðalmaður D-lista, bókar að hann lætur í ljós óánægju sína með samning um keypta ráðgjöf við gerð húsnæðisáætlunar og spyr hvort að félagsmáladeild og tæknideild ásamt fjármálasviði hefðu ekki getað unni þessa vinnu.

Lögð fram drög að reglum um félagslegt leiguhúsnæði Fjallabyggðar. Drögin samþykkt með fjórum atkvæðum. Ingvar Á. Guðmundsson, aðalmaður D-lista, sat hjá.

Lagt fram til kynningar.

Ársreikningur íbúðasjóðs Lindargötu 2 lagður fram til kynningar á fundinum.

NPA miðstöðin sendi nú fyrir skemmstu bréf til félagsmálastjóra hjá flestum sveitarfélögum landsins þar sem þess er krafist að sveitarfélög tileinki sér og aðlagi framkvæmd sína á NPA að ákvæðum laga nr. 38/2018 um þjónustu við fatlað fólk með langvarandi stuðningsþarfir og ákvæðum reglugerðar nr. 1250/2018 um notendastýrða persónulega aðstoð. Með bréfinu fylgdi minnisblað NPA miðstöðvarinnar um útreikning NPA jafnaðarstundar út frá kjarasamningi NPA aðstoðarfólks.