Bæjarstjórn Fjallabyggðar

Til máls tóku Ingibjörg G. Jónsdóttir, Ólafur Stefánsson, Elías Pétursson, Helgi Jóhannsson, S. Guðrún Hauksdóttir og Tómas Atli Einarsson.

Fram er lögð niðurstaða atkvæðagreiðslu starfsmanna ráðhússins á tillögu bæjarstjóra og vinnutímanefndar á vinnutímafyrirkomulagi vegna styttingar vinnuvikunnar hjá dagvinnufólki, tillagan var samþykkt með öllum greiddum atkvæðum. Tillagan felur í sér að vinnuvikan styttist um 110 mínútur, m.v. 100% starf, sem safnað er upp og stytting tekin á föstudögum með þeim hætti að dagvinnu lýkur þann dag kl. 14:10. Styttingin hefur í för með sér breytingu á opnunartíma afgreiðslu sem færist til um klukkutíma.

Bæjarstjórn samþykkir með 7 atkvæðum breytt fyrirkomulag til þriggja mánaða líkt og hjá öðrum stofnunum sveitarfélagsins og verður reynslan að fyrirkomulaginu metin í lok fyrrgreinds þriggja mánaða tímabils.

Til máls tóku Ingibjörg G. Jónsdóttir og Helgi Jóhannsson og S. Guðrún Hauksdóttir.

Með vísan til fyrra máls á dagskrá fundarins er lögð fyrir fundinn tillaga að breyttum opnunartíma afgreiðslu í ráðhúsi Fjallabyggðar, breyting er með þeim hætti að á föstudögum skuli afgreiðsla skrifstofu opna kl. 08:30 í stað kl. 09:30 og loka kl. 14:00 í stað kl. 15:00 eins og verið hefur. Opnunartími skiptiborðs sem er frá kl. 08:00 til 15:00 alla daga breytist þannig að skiptiborðið lokar, líkt og afgreiðslan, kl. 14:00 á föstudögum.

Bæjarstjórn samþykkir með 7 atkvæðum framlagða tillögu um breyttan opnunartíma.