Bæjarráð Fjallabyggðar

Lagt fram minnisblað Lindu Leu Bogadóttur markaðs- og menningarfulltrúa, dags. 10. nóvember 2017, vegna DMP verkefnisins sem gengur út á gerð stefnumarkandi stjórnunaráætlana (Destination Management Plan) fyrir landshlutann Norðurland. Verkefnið er samstarfsverkefni Markaðsstofu Norðurlands og Ferðamálastofu Íslands.

Í minnisblaðinu eru gerðar athugasemdir við þá aðferðafræði sem viðhöfð var við forgangsröðun verkefna sem sveitarfélögin höfðu valið að senda inn.

Bæjarráð lýsir yfir óánægju sinni með fyrirkomulagið og felur formanni bæjarráðs að koma athugasemdunum á framfæri við forsvarsmenn DMP verkefnisins.

Deildarstjóri stjórnsýslu og fjármála fór yfir forsendur reiknilíkans og áætlaða útkomu fyrir árið 2018.

Lagt fram til kynningar erindi frá Þjóðskrá Íslands, dags. 1. nóvember 2017, þar sem er tilkynnt um leiðrétt fasteignamat sumarhúsa og óbyggðra sumarhúsa árið 2018.

Lögð fram til kynningar fundargerð markaðs- og menningarnefndar frá 13. nóvember 2017.