Bæjarráð Fjallabyggðar

Fulltrúar ungmennaráðs, Haukur Orri Kristjánsson, Óskar Helgi Ingvason, Tinna Kristjánsdóttir og Anna Dís Baldvinsdóttir mættu á fund bæjarráðs ásamt deildarstjóra fræðslu- frístunda- og menningarmála, Kristni J. Reimarssyni og íþrótta- og tómstundafulltrúa Hauki Sigurðssyni.

Til umræðu var framtíðarhúsnæði Neons.
Kynnt var niðurstaða könnunar ungmennaráðs sem m.a. gekk út á að fá fram sýn ungmenna á framtíðarhúsnæði félagsmiðstöðvarinnar auk þess að kanna starfið í félagsmiðstöðinni.

Á 96. fundi félagsmálanefndar, 25. febrúar 2016, var samþykkt að leggja til við bæjarráð að tillaga að samningi um Hús eldri borgara í Ólafsfirði 2016 og 2017, verði samþykktur.

Bæjarráð samþykkir tillögu að samningi um Hús eldri borgara í Ólafsfirði og felur bæjarstjóra að undirrita samninginn.
Samkvæmt samningi eru greiðslur 316 þúsund og styrkur á móti fasteignaskatti 236 þúsund.
Gert er ráð fyrir þessum samningi í fjárhagsáætlun bæjarfélagsins.

Lögð fram til kynningar skýrsla frá Eflu, um jarðvatns- og lekamál á Siglufirði og tengsl þeirra við snjóflóðavarnargarða.

Fjallabyggð hefur þegar skrifað stjórn Ofanflóðasjóðs bréf þar sem m.a. er farið fram á viðræður um þær tillögur til úrbóta sem settar eru fram í skýrslunni.

Tillaga að viðauka vegna kaupa á stjórnsýslubifreið í stað þeirrar sem tjónaðist.

Rekstrarbreyting vegna sölu á bifreið og kaup á annarri er jákvæð um 1,8 milljón og eignabreyting er 4,1 milljón.
Tillagan er fjármögnuð með eigin fé.

Bæjarráð samþykkir viðaukatillögu.

Lögð fram kynningargögn á vinnutímaskráningarkerfinu Vinnustund. Kynningarfundur var með deildarstjórum og forstöðumönnum bæjarfélagsins 15. febrúar s.l.

Bæjarráð samþykkir að skoðað verði með upptöku vinnutímaskráningarkerfis 2017.

Niðurstaða bæjarráðs er skráð sem trúnaðarmál.

Niðurstaða bæjarráðs er skráð sem trúnaðarmál.

Í erindi Lánasjóðs sveitarfélaga, dagsett 22. febrúar 2016, kemur fram að í tengslum við aðalfund félagsins sem haldinn verður 8. apríl n.k. þurfa tilnefningar til stjórnar og varastjórnar að hafa borist kjörnefnd fyrir 7. mars n.k.

Lagt fram til kynningar.

Í erindi frá Viðburðarstofu Norðurlands, dagsett 22. febrúar 2016, er óskað eftir formlegu leyfi hjá bæjaryfirvöldum Fjallabyggðar til þess að halda freeride mót á Múlakollu, 31. mars 2016, í samstarfi Iceland Winter Games og Arctic Freeride. Þá mun fyrirtækið Amazing Mountain einnig koma að framkvæmd viðburðarins.

Bæjarráð samþykkir fyrir sitt leyti erindið og leggur áherslu á að fyllsta öryggis verði gætt.

Í erindi verkefnisstjóra Nordjobb á Íslandi, dagsett 19. febrúar 2016, er óskað eftir því að bæjarfélagið taki þátt í að ráða fólk til starfa í sumar.

Bæjarráð sér sér ekki fært að verða við beiðninni.

Lagt fram bréf frá Eignarhaldsfélaginu Brunabótafélagi Íslands dags. 22. febrúar 2016, er varðar styrktarsjóð EBÍ.
Vakin er athygli á að umsóknarfrestur í styrktarsjóð rennur út í lok apríl.
Bæjarfélaginu er boðið að senda inn umsókn sem fellur undir reglur sjóðsins og varðar sérstakt framfaraverkefni.

Bæjarráð vísar málinu til deildarstjóra fræðslu- frístunda- og menningarmála og bendir á safnauppbyggingu Sigurhæðar ses í Ólafsfirði sem möguleika.

Uppbyggingarsjóður Norðurlands eystra auglýsir eftir umsóknum um styrki til atvinnuþróunar og nýsköpunar. Umsóknarfrestur er til 18. mars n.k.

Lagt fram til kynningar.

Boðað er til vinnufundar hjá Símenntunarmiðstöð Eyjafjarðar, 22. mars 2016, í tengslum við verkefni um aukna hagnýtingu ímyndunarafls í eyfirska skólakerfinu, stjórnsýslunni og atvinnulífinu.

Lagt fram til kynningar.

Umhverfis- og samgöngunefnd Alþingis sendir til umsagnar tillögu til þingsályktunar um uppbyggingu áningarstaða Vegagerðarinnar við þjóðvegi, 150. mál.

Lagt fram til kynningar.

Umhverfis- og samgöngunefnd Alþingis sendir til umsagnar frumvarp til laga um sveitarstjórnarlög (uppbygging ferðamannastaða), 219. mál.

Lagt fram til kynningar.

Umhverfis- og samgöngunefnd Alþingis sendir til umsagnar frumvarp til laga um sveitarstjórnarlög (fjöldi fulltrúa í sveitarstjórn), 296. mál.

Lagt fram til kynningar.

Lögð fram til kynningar fundargerð 26. fundar stjórnar Samtaka sjávarútvegssveitarfélaga frá 12. febrúar 2016.

Lögð fram til kynningar fundargerð 277. fundar stjórnar Eyþings, ásamt fundargerð fulltrúaráðs Eyþings frá 28. janúar 2016 og fundargerð stjórna Eyþings og SSA með þingmönnum Norðausturkjördæmis 9. febrúar 2016.

Lagðar fram til kynningar eftirfarandi fundargerðir:

3. fundur starfshóps um málefni Menntaskólans á Tröllaskaga, 24. febrúar 2016.
96. fundur félagsmálanefndar, 25. febrúar 2016.