Bæjarráð Fjallabyggðar

Undir þessum dagskrárlið vék Helga Helgadóttir D-lista af fundi og í hennar stað kom S. Guðrún Hauksdóttir.

Fyrirhugaðar skipuritsbreytingar teknar til umræðu.

Deildarstjóri stjórnsýslu og fjármála kynnti samanburðartölur og vék síðan af fundi undir þessum dagskrárlið.

Bæjarráð samþykkir að vísa tillögu að skipulagsbreytingum til fyrri umræðu í bæjarstjórn.

Vegna slysahættu af leiktæki á skólalóð grunnskólans á Siglufirði, samþykkir bæjarráð að fela deildarstjóra tæknideildar að láta fjarlægja hjólabrettaramp af skólalóð grunnskólans.

Tekið fyrir erindi frá atvinnuvega- og nýsköpunarráðuneytinu, dagsett 2. september 2015, þar sem ráðuneytið gefur bæjar- og sveitarstjórnum kost á að sækja um byggðakvóta fyrir fiskveiðiárið 2015/2016 á grundvelli 10. gr. laga nr. 116/2006, með síðari breytingum. Umsóknarfrestur er til 30. september n.k.

Bæjarráð felur bæjarstjóra að sækja um fyrir Fjallabyggð.

Lagt fram tilboð í mannskaps og tækjabíl fyrir Slökkvilið Fjallabyggðar frá fyrirtækinu Ósland ehf. sem sérhæft er í smíði og framleiðslu á slökkvibifreiðum.

Bæjarráð samþykkir að fela bæjarstjóra og slökkviliðsstjóra að ganga til samninga við fyrirtækið.
Jafnframt heimilar bæjarráð sölu á eldri mannskaps- og tækjabíl.