Bæjarráð Fjallabyggðar

Lögð er fyrir fundinn tillaga formanns bæjarráðs um breyttan fundartíma ráðsins, lagt er til að nýr fundartími verði kl. 08:00 á fimmtudögum.

Lagt er fram vinnuskjal slökkviliðsstjóra dags. 16. júní 2021 ásamt viðaukabeiðni deildarstjóra stjórnsýslu og fjármála dags. 18. júní hvar lagt er til að Bæjarráð samþykki viðauka nr. 18/2021 að upphæð kr. 1.932.000.- við deild 07230, lykil 4961 sem mætt verður með lækkun á handbæru fé.

Niðurstaða bæjarráðs færð í trúnaðarbók.

Lagt er fram erindi Sýslumannsins á Norðurlandi eystra dags. 11. júní 2021, er varðar umsögn vegna umsóknar 1098 ehf., kt. 570521-1520, Hólavegi 23, Siglufirði, um rekstrarleyfi skv. lögum um veitingastaði, gististaði og skemmtanahald nr. 85/2007, með síðari breytingum. Flokkur II-C Minna gistiheimili.

Lagt er fram erindi Samtaka um kvennaathvarf dags. 10. febrúar 2021, í erindinu er farið yfir starfsemi samtakanna á Akureyri ásamt að óska eftir því við sveitarfélagið að það veiti samtökunum rekstrarstyrk að fjárhæð kr. 100.000,-.

Lagt er fram erindi Hjólreiðafélags Akureyrar dags. 14. júní 2021, í erindinu er óskað eftir formlegu samþykki Fjallabyggðar fyrir því að mótið verði haldið. Sömuleiðis er óskað eftir upplýsingum um hvort fyrirhugaðar séu framkvæmdir innan sveitarfélagsins á fyrirhugaðri hjólaleið, fram að mótsdegi eða á mótsdeginum sjálfum. Þá er einnig óskað eftir því að sveitarfélagið aðstoði við að koma upplýsingum um mótið til sinna íbúa, með þeim miðlum sem í boði eru. Að síðustu er óskað eftir því að sveitarfélagið aðstoði við að útvega búnað sem gæti þurft til að setja upp í tengslum við umferðarstýringu, keilur, borðar, aðvörunar- og hjáleiðaskilti og fleira í þeim dúr.

Niðurstaða bæjarráðs færð í trúnaðarbók.

Lagður er fram til kynningar tölvupóstur frá Sambandi íslenskra sveitarfélaga dags. 18. júní 2021, efni tölvupóstsins er að kynna fyrir sveitarfélögum fyrirhugaðan streymisfund sambandsins og umhverfis- og auðlindaráðuneytisins þann 23. júní 2021 kl. 09:00-10:30, skráningartengill er aðgengilegur á heimasíðu sambandsins.

Lögð er fram til kynningar fundargerð 899. fundar stjórnar Sambands íslenskra sveitarfélaga dags. 11. júní 2021.