Bæjarráð Fjallabyggðar

Borist hefur kauptilboð í raðhúsið Ægisgötu 26 í Ólafsfirði ásamt öllu sem eigninni fylgir.

Tilboðsverð er 5.5 m.kr. Bæjarráð hafnar framkomnu tilboði.

Með vísan til 30. gr. sveitarstjórnarlaga óskar Kristinn Gylfason eftir því að bæjarstjórn/bæjarráð Fjallabyggðar veiti honum lausn frá trúnaðarstörfum fyrir Fjallabyggð.

Bæjarráð veitir Kristni lausn frá störfum og þakkar góð störf fyrir bæjarfélagið um leið og honum er óskað alls velfarnaðar.

Kristinn Kr. Ragnarsson óskar eftir uppgjöri vegna grjóts úr námu í sameiginlegu landi Garðs I og Garðs II.

Siglingastofnun mun ganga frá uppgjöri við landeigendur á grjóttöku í samræmi við magn og einingarverð.

Borist hefur bréf frá Umhverfisráðuneytinu dags. 3. júlí, er varðar samþykki Ofanflóðanefndar á úrbótum vegna vatnsaga í samræmi við skýrslu frá Verkfræðistofu Siglufjarðar.

Ofanflóðasjóður leggur áherslu á að gerð verði verðkönnun hjá þremur verktökum.

Opnun tilboða fór fram á vegum tæknideildar. Eitt tilboð barst í verkið kr. 11.180.136.- sem er 107.8% af áætlun.

Bæjarráð samþykkir tilboð verktaka.

Lögð fram undirrituð viljayfirlýsing dagsett 10. ágúst á milli Fjallabyggðar og Olíudreifingar ehf. Málið var til kynningar á 258. fundi bæjarráðs.

Lagt fram til kynningar.

Lögð fram til kynningar fundargerð frá 8. ágúst 2012.

Umhverfisráðuneytið hefur staðfest reglugerð um kattahald fyrir Fjallabyggð.