Bæjarráð Fjallabyggðar

Niðurstaða bæjarráðs færð í trúnaðarbók.

Lagðar fram umsóknir félagasamtaka um styrki vegna fasteignaskatts á árinu 2021.

Bæjarráð samþykkir að veita umsækjendum styrki vegna fasteignaskatts á árinu 2021 samtals kr. 3.540.854.-

Lögð fram drög að launastefnu Fjallabyggðar.

Bæjarráð samþykkir drögin fyrir sitt leyti og vísar þeim til staðfestingar í bæjarstjórn.

Lagt fram undirritað kauptilboð, dags. 18.02.2021 í íbúð 302 að Ólafsvegi 34.

Bæjarráð samþykkir kauptilboðið og felur deildarstjóra stjórnsýslu- og fjármála að ganga frá sölu íbúðarinnar.

Lögð fram drög að samningi milli Fjallabyggðar og Skógræktarfélags Ólafsfjarðar um skógrækt og uppbyggingu útivistarsvæða í umsjón skógræktarfélagsins.

Bæjarráð samþykkir drögin fyrir sitt leyti og felur deildarstjóra tæknideildar að undirrita samninginn fyrir hönd sveitarfélagsins.

Bæjarráð samþykkir að setja í viðauka nr.4/2021 kr. 200.000, við málaflokk 11310 og lykill 9291 og verður honum mætt með lækkun á handbæru fé og vísar honum til umfjöllunar og afgreiðslu bæjarstjórnar.

Lögð fram drög að samningi við Skíðafélag Ólafsfjarðar um rekstur skíðamannvirkja í eigu Fjallabyggðar í Ólafsfirði fyrir árið 2021.

Bæjarráð samþykkir drögin og felur deildarstjóra fræðslu-, frístunda og menningarmála að undirrita samninginn fyrir hönd sveitarfélagsins.

Lagt fram erindi Svanfríðar Halldórsdóttur og Gunnars L. Jóhannssonar, dags. 15.02.2020 er varðar varðveislu safnmuna er snerta sögu Ólafsfjarðar.

Bæjarráð samþykkir að fela deildarstjóra fræðslu-, frístunda- og menningarmála að vinna málið áfram með tilliti til þess hvort hægt sé að varðveita umrædda safnmuni hjá sveitarfélaginu.

Lögð fram til kynningar skýrsla Vegagerðarinnar, Siglufjörður - mat á öldufari við niðurbrot á Siglunesi.

Bæjarráð samþykkir að vísa skýrslunni til umfjöllunar í skipulags- og umhverfisnefnd.

Lagt fram til kynningar erindi Samgöngustofu, dags. 17.03.2021 þar sem fram kemur að umferðarþingi hefur verið frestað til 19. nóvember nk. Þingið verður haldið á Hilton Reykjavík Nordica frá kl. 9-16. Áherslan verður á ungt fólk í umferðinni (15-20 ára), forvarnir og fræðslu sem stuðla að bættu umferðaröryggi. Samhliða umferðarþingi verður haldin vinnusmiðja ungs fólksins í samvinnu við Slysavarnafélagið Landsbjörgu auk þess sem haldin verður minningardagur um fórnarlömb umferðarslysa sunnudaginn 21. nóvember 2021.

Lagt fram erindi Sambands íslenskra sveitarfélaga, dags. 18. 02.2021 er varðar drög að umsögn sambandsins um drög að stefnu um meðhöndlun úrgangs 2021-2032. Sveitastjórnir og aðrir viðtakendur eru hvattir til að kynna sér málið. Frestur til að skila inn umsögnum er til 23. febrúar nk.

Lagt fram til kynningar erindi Allsherjar- og menntamálanefndar Alþingis, dags. 18.02.2021 er varðar umsögn um frumvarp til laga um áfengislög (sala á framleiðslustað), 504. mál.

Lögð fram til kynningar fundargerð starfs- og kjaranefndar frá 01.02.2021.

Lögð fram til kynningar fundargerð 129. fundar Félagsmálanefndar Fjallabyggðar frá 12. febrúar sl.