Bæjarráð Fjallabyggðar

Deildarstjóri stjórnsýslu og fjármála lagði fram vinnuskjal um forsendur og markmið sem liggja að baki rammaáætlun komandi rekstrarárs.

Lagt fram dreifibréf Sambands íslenskra sveitarfélaga, dags. 26.10.2022 um þátttöku og framlög sveitarfélaga til stafræns samstarfs 2023, ásamt viðbótargögnum og kostnaðaráætlun um áætlað framlag Fjallabyggðar. Einnig lagt fram minnisblað deildarstjóra stjórnsýslu og fjármála um framlag sveitarfélagsins.

Lagt fram erindi frá slökkviliðsstjóra vegna fjárhagsáætlunar 2023.

Dreifibréf frá Markaðsstofu Norðurlands lagt fram til kynningar.

Lagt fram erindi frá mennta- og barnamálaráðuneytinu varðandi undirbúning við gerð frumvarps til laga um skólaþjónustu. Markmið þessara nýju laga er að tryggja jafnræði í þjónustu við börn og ungmenni í leik-, grunn- og framhaldsskólum óháð aldri, uppruna og búsetu, mæta ákalli um aukna ráðgjöf og stuðning við starfsfólk og stjórnendur á vettvangi skólans, efla þverfaglega samvinnu og samþættingu milli skóla- og þjónustustiga í þágu farsældar barna og tryggja öllum skólum faglegt bakland í sínum fjölbreyttu verkefnum.

Með erindinu er öllum sem hafa áhuga á því að taka þátt í þessari vinnu boðið að senda inn ábendingar, koma upplýsingum á framfæri eða skrá sig til þátttöku í samráðshópum sem munu taka til starfa á næstu vikum.

Allsherjar- og menntamálanefnd Alþingis sendir til umsagnar frumvarp til laga um útlendinga (alþjóðleg vernd), 382. mál. Einnig sendir efnahags- og viðskiptanefnd Alþingis til umsagnar tillögu til þingsályktunar um úttekt á tryggingavernd í kjölfar náttúruhamfara, 231. mál.

Fundargerðir 39., 40., 41. og 42. fundar stjórnar SSNE, auk fundargerðar fagráðs umhverfismála SSNE lagðar fram til kynningar.