Bæjarráð Fjallabyggðar

Lagt fram til kynningar yfirlit staðgreiðslu fyrir janúar til apríl 2022. Staðgreiðsla fyrir tímabilið nemur 415,1 millj.kr. eða 95,6% af tímabilsáætlun 2022.

Lögð fram drög að tveimur aðskildum samningum um rekstur og umsjón tjaldsvæða á Siglufirði og í Ólafsfirði.

Bæjarstjóri lagði fram og fór yfir þriggja mánaða rekstraryfirlit, frávik frá fjárhagsáætlun teljast minniháttar utan að snjómokstur var meiri en áætlun gerði ráð fyrir.

Lagt fram vinnuskjal deildarstjóra tæknideildar 9. maí 2022 ásamt vinnuskjali slökkviliðsstjóra er varða kaup á bíl fyrir slökkviliðið. Í framlögðum skjölum er lagt til að keyptur verði notaður lögreglubíll af embætti lögreglunnar á Norðurlandi eystra, um er að ræða KIA Sorento árgerð 2014.

Lagt fram vinnuskjal deildarstjóra tæknideildar dags. 9. maí 2022 er varðar opnun tilboða í verkefnin Umferðaröryggi við leikskóla Fjallabyggðar.

Eftirfarandi tilboð bárust:

Ólafsfjörður.

Smári ehf. 9.620.000,-

Bás ehf. 7.183.015,-

Sölvi Sölvason 9.988.463,-

Kostnaðaráætlun 8.150.500,-



Siglufjörður.

Bás ehf. 6.868.661,-

Sölvi Sölvason 9.378.745,-

Kostnaðaráætlun 7.860.500,-

Deildarstjóri tæknideildar hefur yfirfarið tilboð í bæði verkin og leggur til við bæjarráð að tilboði Bás ehf, sem er lægstbjóðandi í báðum útboðum, verði tekið.

Lögð fram til kynningar auglýsing vegna ráðningar deildarstjóra stjórnsýslu- og fjármála. Umsóknarfrestur er til og með 23. maí nk.

Bæjarstjóri lagði fram til kynningar og fór yfir bréf Innviðaráðuneytisins dags. 5. maí 2022, einnig fór bæjarstjóri yfir viðræður sem hann ásamt deildarstjóra stjórnsýslu- og fjármála hafa átt við endurskoðanda sveitarfélagsins vegna breytinga á 20. gr. reglugerðar nr. 1212/2015 hvar kveðið er á um að byggðasamlög, sameignarfélög, sameignarfyrirtæki og önnur félagaform sem eru með ótakmarkaðri ábyrgð sveitarfélags, skuli færð inn í samantekin reikningsskil sveitarfélags miðað við hlutfallslega ábyrgð sveitarfélags, þ.e. sveitarfélag skal færa hlutdeild þess í einstökum liðum rekstrar og efnahags, óháð stærð eignarhluta.

Lagt fram til kynningar erindi Karls Björnssonar dags. 9. maí 2022 er varðar sveitarfélagaskólann, einnig lagt fram kynningarbréf til sveitarfélaga vegna skólans.

Lagt fram til kynningar erindi Karls Björnssonar f.h. Sambands íslenskra sveitarfélaga er varðar skýrslu um brottfall nemenda úr framhaldsskólum.

Lagt fram til kynningar erindin Sambands íslenskra sveitarfélaga dags. 6. maí 2022 er varðar landsþing Sambands íslenskra sveitarfélaga sem haldið verður á Akureyri dagana 28.-30. september 2022.

Lagt fram til kynningar erindi Sambands íslenskra sveitarfélaga dags. 5. maí 2022 er varðar framlag sveitarfélaga til orlofsnefnda.

Lagt fram til kynningar fundarboð vegna ársfundar Náttúruhamfaratryggingar Íslands fimmtudaginn 19. maí frá kl. 11.30 til 13.00.

Lagt fram til kynningar bréf Ásmundar Einars Daðasonar mennta- og barnamálaráðherra dags. 6. maí 2022 er varðar tímabundinn fjárhagslegan stuðning til sveitarfélaga þar sem börn á flótta frá Úkraínu og fjölskyldur þeirra verða með búsetu til að styðja við móttöku, undirbúning á skólastarfi og virka þátttöku barnanna.

Lögð fram til kynningar fundargerð 9. fundar svæðisskipulagsnefndar Eyjafjarðar ásamt fylgiskjölum.

Lögð fram til kynningar fundargerð stjórnar Markaðsstofu Norðurlands dags. 4. maí 2022.