Bæjarráð Fjallabyggðar

Samkvæmt 34. grein samþykkta sveitarfélagsinns skal bæjarráð á fyrsta fundi sínum, kjósa sér formann og varaformann.
Samþykkt var að formaður bæjarráðs yrði Ólafur Helgi Marteinsson og Ingvar Erlingsson varaformaður.

Á fund bæjarráðs mætti skipulags- og byggingarfulltrúi og fór yfir framkvæmda- og viðhaldsverkefni 2010 og stöðu þeirra.

Lagður fram verksamningur við Pípulagnaverktaka ehf. að upphæð kr. 11.294.316 vegna lagnavinnu í tækjarými sundlaugarinnar í Ólafsfirði.
Á fund bæjarráðs mætti skipulags- og byggingarfulltrúi og fór yfir verksamninginn.
Bæjarráð staðfestir samninginn og felur skipulags- og byggingarfulltrúa að undirrita.

Fyrir bæjaráði liggja drög að húsaleigusamningi til fimm ára vegna menntaskólans á Tröllaskaga um kennsluaðstöðu í gagnfræðaskólanum við Ægisgötu, Ólafsfirði.
Bæjarráð samþykkir fyrirliggjandi drög með orðalagsbreytingum.
Bæjarstjóra falið að undirrita samning

Afgreiðslu frestað.

Í erindi Eiríksínu Kr. Ásgrímsdóttur og Hrafnhildar Ýrar Vilbertsdóttur er lýst yfir áhuga á að standa fyrir listviðburð undir nafninu "Fjallabyggðarbræðingur" við opnun Héðinsfjarðarganga í október næstkomandi. Óskað er eftir samstarfi við Fjallabyggð í formi vinnuframlags og fjárframlags.

Bæjarráð þakkar listamönnum áhugann við þessi tímamót.

Bæjarráð getur ekki styrkt verkefnið með beinu fjárframlagi en samþykkir skilgreint vinnuframlag ef um semst.

Landsþing Sambands íslenskra sveitarfélaga verður haldið á Akureyri um mánaðarmótin september- október.  Fjallabyggð á rétt á tveimur fulltrúum. Á 51. fundi bæjarstjórnar voru Þorbjörn Sigurðsson og Ingvar Erlingsson kjörnir fulltrúar sveitarfélagsins. Til vara Egill Rögnvaldsson og Bjarkey Gunnarsdóttir.

Í erindi KS og Leifturs er óskað eftir að gert verði 3 ára samkomulag við sveitarfélagið um auglýsingaskilti frá Fjallabyggð á knattspyrnuvelli bæjarins.
Bæjarráð getur ekki orðið við þessari beiðni, þar sem ekki er gert ráð fyrir þessu verkefni á fjárhagsáætlun.
Jafnframt er vakin athygli á því að félögin sæki um styrk næst þegar auglýst verður eftir þeim. 

Í erindi KS/Leifturs er lögð fram ósk um ferðastyrk vegna keppnisferðar 4. flokks kvenna til Gautaborgar í Svíþjóð á Gothia-cup, stærsta mót sinnar tegundar.

Bæjarráð getur ekki orðið við þessari beiðni, þar sem ekki er gert ráð fyrir þessu verkefni á fjárhagsáætlun.
Jafnframt er vakin athygli á því að félögin sæki um styrk næst þegar auglýst verður eftir þeim.

Boðað er til aðalfundar Atvinnuþróunarfélags Eyjafjarðar 23. júní n.k.
Bæjarráð samþykkir að fela Þorbirni Sigurðssyni að sækja fundinn og fara með umboð sveitarfélagsins á aðalfundinum.

Aðalfundur einkahlutafélagsins Greið leið ehf. verði haldinn miðvikudaginn 16. júní n.k. á Akureyri.

Lögð fram til kynningar fundargerð aðalfundar Flokkunar Eyjafjarðar ehf. frá 5. maí s.l., fundargerðir stjórnar í apríl og maí, svo og minnisblað um stöðu félagsins og framtíð.

Fundargerð lögð fram til kynningar.

Bæjarráð samþykkir að gert verði fjárhagslegt milliuppgjör fyrir sveitarfélagið vegna fyrstu fimm mánuði ársins.