Bæjarráð Fjallabyggðar

Lagt fram yfirlit staðgreiðslu útsvars fyrir tímabilið janúar til júlí 2019. Staðgreiðsla fyrir tímabilið nemur kr. 660.743.433 eða 102,35% af tímabilsáætlun.

Lagt fram vinnuskjal deildastjóra tæknideildar, dags. 29.07.2019 þar sem fram kemur að tilboð voru opnuð í verkið "Bakkabyggð, gatnagerð og veitur" mánudaginn 29. júlí sl.
Eftirfarandi tilboð barst:
Sölvi Sölvason 48.843.750
Kostnaðaráætlun 46.547.500
Undirritaður leggur til við bæjarráð að tilboðinu verði tekið.

Bæjarráð samþykkir að taka tilboði Sölva Sölvasonar í verkið Bakkabyggð, gatnagerð og veitur. Samkvæmt útboðsgögnum er verkinu áfangaskipt og verður framkvæmt fyrir 18 mkr. á árinu 2019.

Lögð fram tjónamatsgerð vátryggingafélags Sjóvá vegna Laugarvegs 39 Siglufirði, íbúð 101.

Bæjarráð gerir ekki athugasemdir við tjónamatsgerðina fyrir sitt leiti og samþykkir söluheimild.

Lagt fram minnisblað Sigurðar Ármanns Snævarrs fh. Sambands íslenskra sveitarfélaga, dags 01.07.2019 er varðar forsendur fyrir vinnslu fjárheimilda ársins 2020 og fjárhagsáætlana sveitarfélaga til þriggja ára.

Bæjarráð samþykkir að fela bæjarstjóra og deildarstjóra stjórnsýslu- og fjármáladeildar að leggja fram tillögu að tímasetningu vinnu við fjárhagsáætlunarferlið 2020.