Bæjarráð Fjallabyggðar

Lagt fram yfirlit yfir staðgreiðslu útsvars frá 1. janúar til 28. maí 2018.
Innborganir nema 425.864.318 kr. sem er 137,6% af tímabilsáætlun, sem gerði ráð fyrir 407.710.476 kr.

Tilboð voru opnuð í framkvæmdir við Roaldsbryggju - þybbuklæðning þann 22. maí sl.

Eftirfarandi tilboð bárust:

L7 ehf. - 7.490.000 kr.
Berg ehf. - 4.415.000 kr.

Kostnaðaráætlun hljóðaði upp á 7.086.000 kr.

Bæjarráð samþykkir að taka tilboði lægstbjóðanda.

Niðurstaða færð í trúnaðarbók.

Niðurstaða færð í trúnaðarbók.

Niðurstaða færð í trúnaðarbók.

Deildarstjóri stjórnsýslu og fjármála óskar eftir viðauka við fjárhagsáætlun vegna innleiðingar á nýrri persónuverndarlöggjöf að upphæð kr. 4.500.000. Pacta lögmenn munu verða til ráðgjafar og aðstoðar við innleiðinguna.

Bæjarráð samþykkir beiðni deildarstjóra og vísar upphæðinni til viðauka nr.6 við fjárhagsáætlun 2018, við deild 21400 sem verður mætt með lækkun á handbæru fé.

Lögð fram umsögn deildarstjóra tæknideildar vegna erindis Guðbrandar Jónssonar. Guðbrandur krafðist umsagnar Fjallabyggðar vegna synjunar Ferðamálastofu Íslands um styrk vegna verkefnisins Landvætta Íslands í norður.

Ferðamálastofa Íslands hafnaði styrkumsókn Guðbrandar, þar sem ekki lá fyrir samþykki bæjarstjórnar vegna verkefnisins. Bæjarráð hafði tekið jákvætt í erindið og skipulags- og umhverfisnefnd óskað eftir nánari upplýsingum frá umsækjanda um útlit styttunnar. Þær upplýsingar bárust ekki og því fékk málið ekki afgreiðslu í bæjarstjórn.

Tilboð voru opnuð í endurnýjun á þaki tónlistarskólans á Siglufirði þann 14. maí sl.

Aðeins eitt tilboð barst, frá L7 ehf. og var deildarstjóra tæknideildar falið að semja við verktakann.

Samkvæmt minnisblaði deildarstjóra hefur samkomulag náðst.

Fræðslu- og frístundanefnd leggur til við bæjarráð að aldurstakmark í líkamsræktir sveitarfélagsins verði lækkað niður í 12 ára með því skilyrði að börn og unglingar á aldrinum 12-15 ára séu í fylgd með þjálfara eða öðrum fullorðnum ábyrgðarmanni.

Bæjarráð samþykkir tillögu fræðslu- og frístundanefndar og leggur til við bæjarstjórn að þessi aldurshópur falli undir gjaldskrárliðinn "tækjasalur - skóli, 60 ára , öryrkjar" í gjaldskrá íþróttamiðstöðvar.

Tekið fyrir erindi frá Foreldrafélagi Leifturs þar sem óskað er eftir styrk að upphæð 1.100.000 kr. til þess að setja upp “ærslabelg" í Ólafsfirði.

Bæjarráð tekur jákvætt í erindið og óskar eftir umsögn deildarstjóra tæknideildar vegna staðsetningar.

Tekið fyrir erindi frá Fasteignasjóði Jöfnunarsjóðs sveitarfélaga, þar sem vakin er athygli á því að samgöngu- og sveitarstjórnarráðherra hefur undirritað nýja reglugerð um starfsemi sjóðsins. Athygli er vakin á því að umsókn um styrki á þessu ári skulu hafa borist Jöfnunarsjóði sveitarfélaga eigi síðar en 1. júní nk.

Bæjarráð vísar erindinu til deildarstjóra tæknideildar og deildarstjóra félagsmáladeildar.

Tekið fyrir erindi frá Viking Heliskiing, þar sem óskað er eftir leyfi fyrir útsýnisflug frá túninu við íþróttahúsið í Ólafsfirði laugardaginn 2. júní n.k., kl. 15.00-17.00.

Bæjarráð samþykkir erindið.

Hafnarstjórn leggur til við bæjarráð að farþegagjald á skemmtiferðaskipum hækki úr 1 evru í 1,25 evru og að hækkunin taki gildi 1. janúar 2019.

Bæjarráð samþykkir tillögu hafnarstjórnar.

Lögð fram til kynningar fundargerð frá fundi Almannavarnanefndar Eyjafjarðar sem haldinn var 15. maí sl.

Lagðar fram til kynningar fundargerðir 55. fundar fræðslu- og frístundanefndar, 97. fundar hafnarstjórnar, 44. fundur yfirkjörstjórnar, 34. fundar undirkjörstjórnar í Ólafsfirði og 34. fundar undirkjörstjórnar á Siglufirði.