Bæjarráð Fjallabyggðar

Undir þessum lið sat Ríkey Sigurbjörnsdóttir deildarstjóri fræðslu-, frístunda- og menningarmála.

Lögð fram drög að samningi milli Fjallabyggðar annars vegar og Hjalta Jónssonar sálfræðings og Jóns Viðars Viðarssonar sálfræðings hins vegar um sálfræðiþjónustu við félagsþjónustu Fjallabyggðar og leik- og grunnskóla Fjallabyggðar. Samningurinn gildir frá 1. janúar 2018 til og með 15. júní 2018.

Bæjarráð samþykkir drögin og felur deildarstjóra fræðslu-, frístunda- og menningarmála að undirrita samninginn.

Lögð fram drög lífeyrissjóðsins Brúar að uppgjöri lífeyrisskuldbindinga Fjallabyggðar vegna breytinga á A-deild Brúar.

Endanleg upphæð verður lögð fram á næsta fundi bæjarráðs.

Bæjarráð lýsir furðu sinni á skömmum afgreiðslufresti Brúar lífeyrissjóðs en uppgjörið skal vera lokið eigi síðar en 31. janúar 2018.

Þann 12. janúar n.k. verður haldinn tvöfaldur hluthafafundur í Seyru ehf, þar sem áætlað er að félaginu verði slitið. Bæjarráð samþykkir fyrir sitt leyti að félaginu verði slitið.
Fulltrúi Fjallabyggðar í stjórn Seyru er S. Guðrún Hauksdóttir.

Umhverfis- og samgöngunefnd Alþingis sendir til umsagnar frumvarp til laga um tekjustofna sveitarfélaga (fasteignasjóður), 11. mál.

Lagt fram til kynningar.