Málefni Hóls

Bæjarráð ítrekar að greiðslur til ÚÍF vegna Hóls séu samkvæmt samþykktri fjárhagsáætlun fyrir árið 2017. Bæjarráð samþykkir að boða fulltrúa ÚÍF á fund bæjarráðs til að ræða málefni Hóls.

Þórarinn Hannesson formaður UÍF, Brynja Hafsteinsdóttir starfsmaður UÍF og Róbert Grétar Gunnarsson deildarstjóri fræðslu- frístunda- og menningamála mættu á fund bæjarráðs.
Bæjarráð felur bæjarstjóra og formanni fræðslu- og frístundanefndar að koma með tillögur að framtíðartilhögun á aðkomu bæjarfélagins að rekstri og nýtingu Hóls.

Lagt fram minnisblað deildarstjóra fræðslu-, frístunda- og menningarmála í kjölfar fundar deildarstjóra og formanns fræðslu- og frístundanefndar með fulltrúum UÍF þann 19. október. Á fundinum var rædd krafa UÍF um að greiðslur sveitarfélagsins vegna íþróttamiðstöðvarinnar Hóls, Siglufirði, yrðu 1.500.000 kr. líkt og á árunum 2014-2016, samkvæmt staðfestingu bæjarstjóra frá 16. júlí 2014. Við gerð fjárhagsáætlunar fyrir árið 2017 var ákveðið að styrkja rekstur UÍF um 800.000 kr.


Bæjarráð hafnar kröfum UÍF um óbreyttar greiðslur.