Skipulags- og umhverfisnefnd Fjallabyggðar - 182. fundur - 22. apríl 2015

Málsnúmer 1504009F

Vakta málsnúmer

Bæjarstjórn Fjallabyggðar - 115. fundur - 30.04.2015

Forseti bæjarstjórnar, Ríkharður Hólm Sigursson gerði grein fyrir fundargerð.
  • .1 1504018 Staðsetning olíutanka fyrir smærri báta
    Skipulags- og umhverfisnefnd Fjallabyggðar - 182. fundur - 22. apríl 2015 Lögð fram teikning með tillögu að staðsetningu olíutanka fyrir olíuafgreiðslu smærri báta við norðurendann á Óskarsbryggju. Á 68. fundi hafnarstjórnar var erindinu vísað til umsagnar hjá skipulags- og umhverfisnefnd.

    Skipulags- og umhverfisnefnd samþykkir staðsetningu olíutanka á Óskarsbryggju en bendir á að uppdrættir af fyrirkomulagi mengunarvarna þurfa að berast byggingarfulltrúa áður en af framkvæmdinni verður, í samræmi við 7.gr reglugerðar um varnir gegn olíumengun frá starfsemi í landi, nr. 35/1994.     Bókun fundar Afgreiðsla 182. fundar skipulags- og umhverfisnefndar staðfest á 115. fundi bæjarstjórnar með 7 atkvæðum.
  • .2 1503025 Lóðir Norðurorku í Ólafsfirði
    Skipulags- og umhverfisnefnd Fjallabyggðar - 182. fundur - 22. apríl 2015 Norðurorka hefur óskað eftir að fá úthlutað þremur lóðum utan um mannvirki sín í Ólafsfirði. Skipulags- og umhverfisnefnd og bæjarráð hafa samþykkt úthlutun lóða. Í afgreiðslu sinni beindi bæjarráð þeirri spurningu til nefndarinnar hvort rétt væri að óska eftir að lóðarhafi girði lóðirnar.

    Nefndin sér ekki ástæðu til að lóðirnar verði girtar af og vísar í grein 2.0.2. í framlögðum lóðarleigusamningum þar sem fram kemur að við uppsetningu girðingar á lóð skal fara að fyrirmælum gildandi byggingarreglugerða og skipulags.     Bókun fundar Afgreiðsla 182. fundar skipulags- og umhverfisnefndar staðfest á 115. fundi bæjarstjórnar með 7 atkvæðum.
  • .3 1503059 Umsókn um byggingar- og framkvæmdaleyfi
    Skipulags- og umhverfisnefnd Fjallabyggðar - 182. fundur - 22. apríl 2015 Norðurorka sækir um framkvæmdaleyfi til að bora nýja borholu vegna leitar að heitu vatni í Skeggjabrekkudal í Ólafsfirði. Einnig er sótt um byggingarleyfi þar sem áhugi er fyrir því að byggja hámark 8 fm. hús utan um holuna.

    Nefndin samþykkir umsóknir um framkvæmda- og byggingaleyfi fyrir sitt leyti og óskar eftir að lagðar verði fram teikningar af fyrirhuguðu húsi. Vísað til bæjarráðs og bæjarstjórnar.     Bókun fundar Afgreiðsla 182. fundar skipulags- og umhverfisnefndar staðfest á 115. fundi bæjarstjórnar með 7 atkvæðum.
  • .4 1503088 Rekstraryfirlit febrúar 2015
    Skipulags- og umhverfisnefnd Fjallabyggðar - 182. fundur - 22. apríl 2015 Lagt fram til kynningar rekstraryfirlit fyrir fyrstu tvo mánuði ársins 2015. Bókun fundar Afgreiðsla 182. fundar skipulags- og umhverfisnefndar staðfest á 115. fundi bæjarstjórnar með 7 atkvæðum.