Tilboð í ræstingu í Leikskóla Fjallabyggðar, Leikhólar Ólafsfirði, 2022-2024

Lagt fram minnisblað deildarstjóra fræðslu-, frístunda og menningarmála, dags. 13. desember 2021, er varðar opnun tilboða í ræstingu á húsnæði leikskólans Leikhóla á Ólafsfirði fyrir árin 2022-2024.
Tvö tilboð bárust í verkið.
Minný ehf. bauð kr. 14.582.026,- og RaBaHaMa ehf. bauð kr. 14.042.775,-.
Með vísan til útboðsskilmála, þar sem fram kemur að við mat á hagstæðasta tilboði í verkið skuli ekki aðeins horft til heildarverðs fyrir þjónustuna heldur jafnframt þess að verð fyrir reglulegar ræstingar vegi 90% í mati og að litið verði til viðskiptasögu bjóðenda og fyrri reynslu af sambærilegum störfum fyrir sveitarfélagið, ákveður bæjarstjórn að gengið verði til samninga við Minný ehf.