Mögulega ófullnægjandi vatnsgæði á Siglufirði - íbúar hvattir til að sjóða neysluvatn

13.07.2024

Mögulega ófullnægjandi vatnsgæði á Siglufirði - íbúar hvattir til að sjóða neysluvatn.

Heilbrigðiseftirlit norðurlands vestra tók sýni í gær þann 12. júlí 2024 í einu íbúðarhúsi norðarlega á Siglufirði og kom munnleg tilkynning frá rannsóknarstofu í dag um að E. coli baktería hefði greinst í vatninu.

Í samræmi við samræmdar leiðbeiningar stjórnvalda eru neytendur upplýstir um málið, en Heilbrigðiseftirlitið hefur þegar tekið fleiri sýni m.a. á Heilbrigðisstofnun Norðurlands til þess að staðfesta og fá nánari hugmynd um umfang mengunarinnar.

Í samræmi við 14. gr. reglugerðar um neysluvatn nr. 536/2001, ráðleggur Heilbrigðiseftirlitið í varúðarskyni að neysluvatnið á Siglufirði, sé soðið fyrir neyslu.

Fjallabyggð vill koma því á framfæri að allt neysluvatn á Siglufirði er geislað. Geislatæki hefur verið yfirfarið og ekkert athugavert kom fram við þá skoðun sem gæti skýrt mengun sé hún til staðar í vatnsveitu. 

Þegar sjóða þarf neysluvatn - leiðbeiningar frá MAST

 

Til baka