Sigmundur tók skólfustungu að Gæruhúsinu

Gæruhúsið var byggt á Patreksfirði seint á 19. öld og flutt til Akureyrar 1946. Talið er að það hafi einnig staðið á Siglufirði á fyrri hluta 20. aldar. Húsið var tekið niður og hefur verið í geymslu á Akureyri þar sem fyrirhugað var að reisa það aftur. Af því verður ekki og mun húsið rísa á lóð Síldarminjasafnsins. Forsætisráðuneytið hefur styrkt þetta verkefni um 20 milljónir króna. Það var því vel við hæfi að forsætisráðherra, Sigmundur Davíð Gunnlaugsson, tæki fyrstu skóflustunguna að byggingunni. 

Sigmundur heimsótti Síldarminjasafnið í gær ásamt formönnum landsstjórna Grænlands, Færeyja og Álandseyja.

Sigmundur Davíð Gunnlaugsson tók fyrstu skóflustungu að Gæruhúsinu.

Örlygur Kristfinnson safnstjóri rakti í stuttu máli tilurð þess að Gæruhúsið verður reist á Siglufirði.

Örylygur Kristinnsson kynnti góðum gestum sögu Síldarminjasafnsins.

Forsætisráðherra, Sigmundur Davíð Gunnlaugsson og Örylgur Kristfinsson safnstjóri
Síldarminjasafnsins að lokinni skólfustungu.