26.04.2006
Framboðsfrestur vegna sveitarstjórnakosninganna 27. maí 2006 rennur út kl. 12.00 á hádegi laugardaginn 6. maí 2006.Yfirkjörstjórn í sameinuðu sveitarfélagi Ólafsfjarðar og Siglufjarðar verður með aðsetur á bæjarskrifstofunni á Siglufirði, Gránugötu 24., 2. hæð. Þar mun hún taka á móti framboðum á milli kl. 10.00 og 12.00 á hádegi laugardaginn 6. maí 2006.Yfirkjörstjórn í sameinuðu sveitarfélagi Ólafsfjarðar og Siglufjarðar25. apríl 2006. Guðgeir Eyjólfsson formaðurArndís FriðriksdóttirÁmundi Gunnarsson
Lesa meira
19.04.2006
Á páskadag var stofnuð sjálfseignarstofnunin Síldarminjasafn Íslands. Stofnendur eru Félag áhugamanna um minjasafn og Siglufjarðarkaupstaður. Stofnframlög hvors aðila fyrir sig eru húseignir, lóðir og allir munir þeir sem fram að þessu hafa myndað Síldarminjasafnið. Tilgangurinn með með þessari breytingu er að einfalda eignarhald og rekstur, enn fremur að skerpa og styrkja stöðu safnsins á landsvísu. Í samræmi við það var nafninu breytt úr Síldarminjasafnið á Siglufirði í Síldarminjasafn Íslands ses. Þjóðminjasafnið skipar nú fulltrúa í stjórn safnsins og er það Margrét Hallgrímsdóttir, þjóðminjavörður. Auk hennar voru kjörnir í þriggja manna stjórn, Runólfur Birgisson, bæjarstjóri og Hafþór Rósmundsson formaður Fáum. Varamenn eru Ólafur Kárason, formaður bæjarráðs, Hinrik Aðalsteinsson, ritari Fáum og Ágúst Georgsson frá Þjóðminjasafninu. Þá var Örlygur Kristfinnsson ráðinn forstöðumaður Síldarminjasafnsins.
Lesa meira
19.04.2006
Siglufjarðarkaupstaður hefur hafið vinnu við fyrstu útgáfu staðardagkrá 21 á Siglufirði.
HVAÐ ER STAÐARDAGSKRÁ 21?
Staðardagskrá 21 er sérstök heildaráætlun bæja- og sveitarfélaga um hvernig þau eigi að þróast með sjálfbærum hætti.
Áætlunin tekur ekki einungis til umhverfismála heldur nær hún til vistfræðilegra, efnahagslegra og félagslegra þátta. Hér er því um að ræða langtímaáætlun um þróun samfélagsins fram á næstu öld.
Hún snýst um hagkvæmar og áþreifanlegar aðgerðir, um lífstíl og hegðun, um neyslu og daglegt líf fólksins.
Áætlunin á að hafa það að markmiði að koma á sjálfbærri þróun í hverju samfélagi og skila því aftur í jafn góðu ástandi til þeirra sem við því taka.
Í staðardagskrá 21 eru sett fram skýr markmið og leiðir að sjálfbærri þróun, þ.e.a.s. aðgerðir til að stuðla að og viðhalda umhverfis-gæðum.
Staðardagskrá 21 kemur okkur öllum við.
HVERS VEGNA ÞARF AÐ VERA STAÐARDAGSKRÁ 21 Á SIGLUFIRÐI?
Á heimsráðstefnu Sameinuðu þjóðanna um umhverfismál í Río de Janeiro árið 1992 skuldbundu um 180 þjóðir sig til að taka þátt í verkefninu og búa til Staðardagskrá fyrir hvert samfélag og var Ísland þar á meðal. Hvert sveitarfélag kemur þar að. því þarf að útbúa slíka dagskrá m.a. fyrir Siglufjörð. Staðardagskrá 21 er heildaráætlun um þróun einstakra samfélaga og með henni gefst íbúum sem og öðrum er hér koma að verki kjörið tækifæri til að hafa áhrif á langtíma skipulag þessara mála.
HVERJIR KOMA AÐ ÞESSU VERKI?
Vinnuhópur var settur á laggirnar í nóvember 2005 til að vinna að gerð stöðumats og framkvæmdaráætlunnar í staðardagskrá 21. Valinn var átta manna vinnuhópur .
Í vinnuhópnum eru m.a. Jón Dýrfjörð, Marin Gústafsdóttir, Ómar Möller, Jónína Magnúsdóttir, María Elín Sigurbjörsdóttir, Örlygur Kristfinnsson og Egill Rögnvaldsson.
Allir íbúar á Siglufjarðar koma á einn eða annan hátt hér að verki. Staðardagskrá 21 er ekki einkamál ákveðinna þröngra hópa heldur varðar þetta samfélagið í heild sinni. Auk íbúa eru það fyrirtæki, stofnanir og stjórnkerfið sem þurfa að koma að gerð verkefnisins.
Nánari upplýsingar um verkefnið má finna hér á siðunni undir liðnum umhverfismál/Staðardagskrá.
Lesa meira
19.04.2006
Siglufjarðarkaupstaður óskar eftir að ráða leiðbeinendur við Vinnuskólann í sumar. Umsækjendur munu starfa með ungu fólki við fjölbreytt verkefni s.s. við uppbyggingu og viðhald grænna svæða í bæjarfélaginu. Æskilegt er að umsækjendur séu orðnir 20 ára. Hæfniskröfur: Reynsla og eða menntun í störfum tengdum ungu fólki, ánægja af útivist og garðyrkju. Létt lund, stundvísi og snyrtimennska. Skriflegri umsókn skal skilað á skrifstofu Siglufjarðarkaupstað fyrir 30. apríl næstkomandi. Í umsókninni þarf að koma fram; Almennar upplýsingar, menntun, fyrri störf og annað sem umsækjandi telur viðeigandi. Upplýsingar um launakjör eru veittar á skrifstofu Siglufjarðarkaupstaðar í síma 460-5600.
Lesa meira
18.04.2006
Nýverið hlaut Siglufjarðarkaupstaður styrk úr Leonardo da Vinci sjóð Evrópusambandsins. Styrkurinn er ætlaður til mannaskipta/starfsmannaskipta fyrir leiðbeinendur og stjórnendur fyrirtækja og stofnana. Styrkupphæðinn verður notuð fyrir nokkra sjórnendur bæjarins til að kynna sér sveitarfélag eða sveitarfélög innan Evrópusambandsins. Nánar má sjá lista yfir þá sem fengu úthlutað á slóðinni www.leonardo.is Siglufjarðarkaupstaður er fyrsta sveitarfélagið hér á landi sem fær úthlutað úr sjóðnum. Gert er ráð fyrir að verkefnið fari að stað seinnipartinn á þessu ári.
Lesa meira
06.04.2006
Félags- og skólaþjónustan ÚtEy í samstarfi við leikskóla í Dalvíkurbyggð, Ólafsfirði og Siglufirði fengu úthlutað 250.000 kr styrk frá Menntamálaráðuneytinu úr Þróunarsjóði leikskólanna út á væntanlegt samstarfverkefni sem ber heitið ,, Stærðfræðin í leik og starfi leikskólans”. Umsjónarmaður verkefnisins er Þóra Rósa Geirsdóttir, kennsluráðgjafi.Úthlutun úr þróunarsjóði er mikil viðurkenning á því starfi sem ætlað er að vinna. ( meira) Stærðfræðin í leik og starfi leikskólansVerkefnið byggir á því að flétta þætti stærðfræðinnar markvisst og sýnilega inn í starf og námssvið leikskólanna. Unnið verður með rúmfræði og mælingar (mynstur, lengd, þyngd, flötur, rúm, tími) og með reikniaðgerðirnar fjórar út frá lausnaleit á talnasviðinu 1-10. Áherslan í stærðfræðinni verður á verklega hlutbundna vinnu, hugtök í máli og myndum og munnlega tjáningu. Ekki verður lögð áhersla á táknmál stærðfræðinnar að öðru leiti en að lesa úr tölustöfunum 1-10 og forma þá. Stærðfræðin verður tengd markvissri málörvun, tónlist, sköpun, náttúrurskoðun og umhverfisfræðslu. Gert er ráð fyrir að vinnan með stærðfræðina verði hluti af hefðbundinni þemavinnu leikskólanna sem snýr að hausti, vetri og vori. Verkefnið tengir en frekar leik- og grunnskóla saman í eina heild. Stærðfræðinni hættir til að vera afmarkað verkefni í grunnskóla og falinn hluti af námi leikskólabarna. Þekking leikskólakennara á stærðfræði ungra barna og markvisst átak til að efla þann þátt skólastarfsins er lóð á vogarskálarnar í þá átt að efla og styrkja þekkingu barna á sviðið stærðfræðinnar og þá sem hluta af daglegu lífi og umhverfi öllu.
Lesa meira
28.03.2006
Siglufjarðarkaupstaður auglýsir eftir einstaklingi í starf skrifstofustjóra sveitarfélagsins. Skrifstofustjóri er yfirmaður skrifstofuhalds Siglufjarðarkaupstaðar og staðgengill bæjarstjóra, situr fundi bæjarráðs og bæjarstjóra og ritar fundargerðir þeirra. Meðal daglegra verkefna eru:- Yfirumsjón daglegra fjármála, bókhalds, reikningagerðar og innheimtu.- Gerð greiðsluáætlana og kostnaðareftirlit.- Þátttaka í gerð fjárhagsáætlana.- Ábyrgð á launavinnslu.Auk þessa sinnir skrifstofustjóri ýmsum sérverkefnum í samráði við bæjarstjóra og bæjarráð.Leitað er eftir einstaklingi sem hefur til að bera sjálfstæði og frumkvæði í vinnubrögðum, hefur reynslu af bókhaldi og bókhaldskerfi og á auðvelt með mannleg samskipti. Æskilegt er að viðkomandi sé með háskólapróf á sviði stjórnsýslu eða viðskipta en þó ekki nauðsynlegt.Viðkomandi verður að geta hafið störf þann 1. maí n.k. og ber að skila umsóknum á Bæjarskrifstofu Siglufjarðar, Gránugötu 24, 580 Siglufjörður, merktum “Starf Skrifstofustjóra” í síðasta lagi þann 21. apríl n.k.Nánari upplýsingar gefur bæjarstjóri Siglufjarðar, Runólfur Birgisson, í síma 460-5600 eða í tölvupóstfanginu rb@siglo.isBæjarstjóri Siglufjarðar.
Lesa meira
21.03.2006
Nú laust fyrir kl. 14.30 voru opnuð tilboð í Héðinsfjarðargöng á skrifstofu Vegagerðarinnar í Reykjavík. Fimm tilboð bárust og voru þau eftirfarandi: Íslenskir Aðalverktakar, Marti Contractors Ltd.8,9 milljarðar - 137% af kostnaðaráætlun.Metrostav a.s., TékklandHáfell ehf 5,7 milljarðar - 87% af kostnaðaráætlun.E Phil og Son A.S., Ístak hf.6,5 milljarðar - 100% af kostnaðaráætlunArnarfell ehf.6,1 milljarðar - 94% af kostnaðaráætlun.Leonhard Nilsen og sonner A.s., Héraðsverk5,8 milljarðar - 89% af kostnaðaráætlun.Öll tilboðin utan tilboðs Íslenskra Aðalverktaka - Marti Contractors eru undir kostnaðaráætlun Vegagerðar sem var 6,5 milljarðar króna. Nánar á vegagerdin.is
Lesa meira
15.03.2006
Á fréttavefnum dagur.net, (Dagur) má sjá frétt um neytendakönnun á leikskólagjöldum í og við Eyjafjörð. Fréttin er eftirfarandi:"Neytendasamtökin könnuðu leikskólagjöld í 8 sveitarfélögum við Eyjafjörð: Akureyri, Dalvíkurbyggð, Eyjafjarðarsveit, Grýtubakkahreppi, Hörgárbyggð, Ólafsfirði, Siglufirði og Svalbarðsstrandarhreppi. Ef miðað er við átta tíma vistun með fullu fæði eru Akureyrarbær og Grýtubakkahreppur með lægsta verðið, 22.325 krónur. Leikskólagjöld á Akureyri og í Grýtubakkahreppi eru reyndar með þeim lægstu á landinu, ef miðað er við nýlega könnun ASÍ. Í Eyjafjarðarsveit og Svalbarðsstrandarhreppi er gjaldið rúmlega 25.000 krónur og á Siglufirði 26.300 krónur. Það er lægra verð en í öllum sveitarfélögum á höfuðborgarsvæðinu, að Reykjavíkurborg undanskilinni. Hæstu gjöldin eru í Hörgárbyggð, Dalvíkurbyggð og Ólafsfirði, eða tæpar 30.000 krónur, sem er þó mjög sambærilegt við gjaldskrár fjölmennra sveitarfélaga á höfuðborgarsvæðinu. Ekki verður því annað séð en að sveitarfélögin við Eyjafjörð standi sig vel og bjóði upp á gjaldskrá sem er sambærileg eða jafnvel lægri en gengur og gerist, segir í frétt frá Neytendasamtökunum. Munur á hæsta og lægsta verði er 33%, en 44% ef um einstæða foreldra er að ræða. Öll sveitarfélögin veita afslátt fyrir einstæða foreldra og námsmenn."Á þessu má sjá að leikskólagjöld á Siglufirði eru í samræmi við það sem gerist í Eyjafirði og er rétt að fagna því að Neytendasamtök skuli gera slíkar kannanir og birta þær.Byggt á frétt á dagur.net.
Lesa meira
14.03.2006
Fundi Sturlu Böðvarssonar samgönguráðherra um nýja fjarskiptaáætlun, sem vera átti á Siglufirði í kvöld, er frestað til miðvikudagsins 29. mars kl. 20.00.
Lesa meira