Fréttir

Ráðgjafarfyrirtækið Alta hefur skilað af sér niðurstöðum íbúafundanna sem haldnir voru í Fjallabyggð dagana 17. og 18. september sl. Í skýrslunni eru kynntar hugmyndir, tillögur og ábendingar fundarmanna, þær teknar saman og flokkaðar eftir efni og tíðni.

Samið hefur verið við tungumálakennslufyrirtækið Margvís um umsjón með íslenskukennslu fyrir útlendinga í Ólafsfirði. Boðið verður upp á námskeið fyrir byrjendur og lengra komna eftir því sem eftirspurn leyfir. Language courses for foreigners in Ólafsfjörður Nauka języka islandzkiego dla cudzoziemców

Í tilefni af kynningarviku Rauða krossins stóð Ólafsfjarðardeild fyrir fjölmenningarkvöldi í Tjarnarborg. Um 150 manns, af níu þjóðernum, mættu á hátíðina, sem er tæplega 20% af íbúum Ólafsfjarðar.

Með vísan til 25. gr. skipulags- og byggingarlaga nr. 73/1997 og samþykktar bæjarstjórnar Fjallabyggðar 16. október 2007 er hér með auglýst tillaga að deiliskipulagi Þverár í Ólafsfirði, Fjallabyggð.

Á bæjarstjórnarfundi sl. 16. október var samþykkt tilboð Rauðku ehf. um kaup á 6 íbúðum í Hafnartúni 28 til 38 Siglufirði. Umsamið verð er 40.000.000,- kr.

Í gær tilkynnti heimasíðan http://www.fotbolti.net/ lið ársins 2007 í 2.deild karla í knattspyrnu. Foltbolti.net hefur undanfarin ár staðið fyrir þessari tilnefningu og eru það þjálfarar og fyrirliðar liða í deildinni sem velja liðið. En að sjálfsögðu er ekki heimilt að velja leikmenn úr sínu félagi. KS/Leiftur á 4 leikmenn í liði ársins, Þorvald Þorsteinsson, Dusan Ivkovic, Sandor Foritz og Ragnar Hauksson. Einnig var Ragnar Hauksson valinn þjálfari ársins.

Dagana 18.-20. október fer fram ljóðahátíð á Siglufirði og hefur hún hlotið nafnið Glóð og er stefnt að því að gera hana að árlegum viðburði.  Það eru Ungmennafélagið Glói og Herhúsfélagið á Siglufirði sem standa að hátíðinni í samvinnu við Þjóðlagasetur sr. Bjarna Þorsteinssonar. 

Þeir einstaklingar og félagasamtök sem hafa hug á að sækja um styrki eða framlög vegna starfsemi ársins 2008 er bent á að senda inn umsóknir til bæjaryfirvalda í síðasta lagi 31.október n.k.