Fréttir

Ríkisstjórnin hefur ákveðið að veita alls 160 milljónum króna til eflingar ferðaþjónustu á þeim svæðum sem verða fyrir aflasamdrætti vegna skerðingar á veiðiheimildum.

Fjárhagsáætlun Fjallabyggðar fyrir árið 2008 var samþykkt 18. desember sl. Samkvæmt henni verður rekstrarniðurstaðan jákvæð um 104 milljónir króna þetta árið. Áætlað er að handbært fé verði 366 milljónir í lok árs 2008 sem er 23% af heildartekjum. Áætlaðar eru framkvæmdir fyrir um 244 miljónir á árinu 2008. Ljúka á við stækkun leikskólans í Ólafsfirði. Kaupa á snjótroðara fyrir skíðasvæðið á Siglufirði og halda á áfram framkvæmdum við gatnagerð, vatnsveitu, fráveitu, hafnir, auk viðhalds og uppbyggingu á ýmsum eignum bæjarins.

Menntamálaráðuneytið auglýsir eftir verkefnisstjóra vegna stofnunar framhaldsskóla við utanverðan Eyjafjörð. Hægt að skoða auglýsinguna á eftirfarandi slóð. http://www.mbl.is/mm/atvinna/starf.html?adno=621930 Í auglýsingunni kemur m.a. fram að skólinn verði með höfuðstöðvar í Ólafsfirði og að starfsemi hans eigi að mæta sem best þörfum íbúa í Fjallabyggð og Dalvíkurbyggð fyrir menntun á framhaldsskólastigi.  

Skötuveislur verða í þremur veitingastöðum í Fjallabyggð í ár. Höllin í Ólafsfirði verður með Skötuveislu í hádeginu á Þorláksmessu og einnig um kvöldið. Bíó Café á Siglufirði og Allinn á Siglufirði verða með Skötuveislu kl. 12:00 á hádegi á Þorláksmessu

Af illviðráðanlegum ástæðum verður dósamóttakan í Ólafsfirði lokuð í dag fimmtudag. Opið verður á morgun föstudag kl 16-18. sem er þá síðasti opnunardagur fyrir jól. Reiknað er með að móttakan opni aftur 8. janúar 2008

Ártalið og ljósin á brún Hvanneyrarskálar voru sett upp og tendruð af félögum í Skíðafélagi Siglufjarðar Skíðaborg laugardaginn 15. desember 2007

Það var þétt setinn bekkurinn þegar nýtt safnaðarheimili við Ólafsfjarðarkirkju var tekið í notkun sunnudaginn 2. desember.