15.02.2008
Nú er búið að opna sé heimasíðu fyrir Skíðasvæðið í Skarðsdal. Hægt er að smella á merki skíðasvæðis hér til hægri á síðunni og er slóðin þangað http://skard.fjallabyggd.is (ath. ekki setja www fyrir framan). Þessi síða og símsvarinn 878-3399 verða helstu upplýsingamiðlar skíðasvæðisins í Skarðsdal í vetur.
Lesa meira
15.02.2008
Vegna bæklings sem kom á út um golfvelli á norðurlandi vantar okkur myndir af golfvöllunum á Siglufirði og Ólafsfirði. Allar myndir koma til greina, hvort sem um er að ræða yfirlitsmyndir eða myndir af golfurum við iðju sína. Ef þið eigið eitthvað í pokahorninu hafið þá samband við Ingu á inga@fjallabyggd.is
Lesa meira
15.02.2008
Þessi hákarl sem þarna er á lyftaragafflinum flæktist í línu eins af bátunum sem lönduðu í gær á Siglufirði.
Sporður hákarlsins var svo kirfilega flæktur að erfitt reyndist að losa línuna frá sporð hans án þess að skemma línuna, en tókst þó að lokum og lyftarinn flutti hákarlinn burtu.
Frá þessu segir á www.sksiglo.is
Lesa meira
14.02.2008
Æfingar standa nú yfir í Tjarnarborg fyrir árshátíð Grunnskóla Ólafsfjarðar, 1. – 6. bekk. Verið er að æfa hinar ýmsu leikgerðir af sögum Astrid Lindgren, en eins og kunnugt er á hún aldar afmæli í ár. Að sögn kennara ganga æfingar vel. Árhátíðin verður haldin föstudaginn 15. febrúar kl. 18.00. Allir eru velkomnir. Miðverð er 1000 kr. fyrir alla sem ekki eru í 1. – 6. bekk Grunnskóla Ólafsfjarðar, ókeypis er þó fyrir börn á leikskólaaldri í fylgd með fullorðnum.
Lesa meira
14.02.2008
Verið er að leggja síðustu hönd á skipulagningu ferðaþjónustunámsins sem bjóða á uppá í Námsverinu á Dalvík. Námið verður kennt á laugardögum og fyrir það fást fimm framhaldsskólaeiningar. Ennþá eru örfá sæti laus í þetta námskeið sem hefur fengið mikið lof þar sem það hefur verið kennt. Hægt er að skrá sig með því að senda tölvupóst á hildur@dalvik.is
Lesa meira
12.02.2008
Bæjarstjórnarfundi sem vera átti í dag, er frestað vegna veðurs og ófærðar.
Fundurinn verður haldinn í húsi Félags eldri borgara í Ólafsfirði fimmtudaginn 14. febrúar kl. 17.00.
Lesa meira
12.02.2008
Óskað er eftir umsóknum um verkefnastyrki frá Vaxtarsamningi Eyjafjarðar. Allar atvinnugreinar hafa jafna möguleika á þátttökustyrkjum, uppfylli umsóknir skilyrði og helstu atriði sem lögð eru til grundvallar við mat umsókna.
Skilyrði er að um sé að ræða samstarf tveggja eða fleiri aðila og skal minnst helmingur þátttakenda vera fyrirtæki. Lögð verður áhersla á verkefni sem efla tengsl háskóla og atvinnulífs, sem og verkefni sem miða að markaðssetningu og útrás. Við val á verkefnum verður við það miðað að þau efli nýsköpun á Eyjafjarðarsvæðinu og stuðli að vexti svæðisins.
Lesa meira
12.02.2008
Sigurbjörgin Óf 1 sem er í eigu Ramma hf. kom í morgun inn til Siglufjarðar til að losa þar frystar fiskafurðir til geymslu í frystigeymslu Ramma hf.
Við innsiglinguna fór togarinn of vestarlega og tók niðri og festist. Engin hætta var þó á ferðum, þar sem þarna er sandbotn. Kallað var eftir aðstoð björgunarbátsins Sigurvins sem kom fljótt á vettvang og aðstoðaði Sigurbjörgina af strandstað. Nánar má sjá lesa um óhappið á www.sksiglo.is
Lesa meira
08.02.2008
Forsætisráðherra hefur skipað nefnd um atvinnumál landsbyggðarinnar, þar sem ráðamenn telja málefni Fjallabyggðar hvorki falla undir NV né NA nefndina verði að skoða málefni sveitarfélagsins sérstaklega. Bættar samgöngur við Eyjafjarðarsvæðið með byggingu Héðinsfjarðarganga stefni sveitarfélaginu þó svolítið í austurátt og huga þurfi að því og öðrum tækifærum sem skapast við opnun gangnanna.
Lesa meira
08.02.2008
Ragnheiður Jóna menningarfulltrúi Eyþings verður með viðveru í Fjallabyggð fimmtudaginn 14. febrúar á Bæjarskrifstofu Ólafsfjarðar kl. 9.30-10.30 og á Bæjarskrifstofu Siglufjarðar kl. 13.30-14.30.
Umsóknarfrestur er til og með 3. mars. Úthlutun fer fram í apríl.
Menningarráð Eyþings hefur ákveðið að árið 2008 hafi þau verkefni forgang sem uppfylla eitt eða fleiri eftirtalinna atriða:
Verkefni sem vekja athygli á sögustöðum og menningartengdum viðburðum, t.d. með tilliti til ferðaþjónustu
Verkefni sem efla þekkingu á sögu og sérkennum svæðisins
Verkefni sem stuðla að þátttöku sem flestra og brúa kynslóðabil
Verkefni sem fela í sér samstarf milli tveggja eða fleiri aðila, byggðarlaga eða listgreina sem og uppsetning viðburða á fleiri en einum stað
Verkefni sem fela í sér nýsköpun á sviði lista og menningarstarfs.
Lesa meira